నటసింహం నందమూరి బాలకృష్ణ ” అక్కినేని …… తొక్కినేని ” అంటూ మాట్లాడిన మాటలు తీవ్ర వివాదాన్ని సృష్టించిన సంగతి తెలిసిందే. అక్కినేని నాగేశ్వర్ రావు మనవళ్లు ఇద్దరూ నాగచైతన్య , అఖిల్ ఓ స్టేట్ మెంట్ ఇచ్చి తమ నిరసన వ్యక్తం చేసారు కూడా. అలాగే అక్కినేని అభిమానులు పెద్ద ఎత్తున ధర్నా చేసి బాలయ్య క్షమాపణ చెప్పాలని డిమాండ్ చేసారు.
అయితే ఎవరు ఎన్ని డిమాండ్లు చేసినప్పటికీ బాలయ్య మాత్రం ఆ డిమాండ్ లను పట్టించుకోవడం లేదు. ఈరోజు ఆంధ్రప్రదేశ్ కు వెళ్లిన బాలయ్య మీడియా ముందు అక్కినేని వివాదం గురించి వివరణ ఇస్తూ మరిన్ని వివాదాస్పద వ్యాఖ్యలు చేయడం గమనార్హం. అయితే అక్కినేని నాగేశ్వర్ రావు నాకు బాబాయ్ లాంటి వాడు …… ఆయన్ని బాబాయ్ అని పిలుస్తాను …… నేనంటే ఆయనకు ఎంతో అభిమానం. అలాగే చిత్ర పరిశ్రమకు ఎన్టీఆర్ , అక్కినేని రెండు కళ్ళ లాంటి వారని అన్నాడు.
అయితే పనిలో పనిగా అక్కినేని బాబాయ్ కు ఆయన పిల్లలకంటే ఎక్కువగా నన్నే ప్రేమగా చూసుకున్నారని , వాళ్ళకంటే నేనంటేనే ఇస్తామని చెప్పడం అంతేకాకుండా ఆ ఇంట్లో ప్రేమాభిమానాలు లేవని వ్యాఖ్యానించడం ఇప్పుడు మరింత వేడి పుట్టించింది. అంటే నాగార్జున , వెంకట్ లు నాగేశ్వర్ రావును ప్రేమగా చూసుకోలేదు అని చెప్పడం బాలయ్య ఉద్దేశమా ! అంటూ పెదవి విరుస్తున్నారు అక్కినేని అభిమానులు.