Balakrishna : సినీ ఇండస్ర్టీ ఎంతో మందిని రాత్రికి రాత్రే స్టార్లను చేస్తుంది. ఎన్నో ఏళ్లుగా కష్టపడుతన్న వారికి ఒక్క సినిమా వారి కెరీర్ ను ఎక్కడికో తీసుకెళ్తుంది. అలా పేరు తెచ్చుకున్న వారు ఎందరో ఉన్నారు. తాము పోయినా తమ సినిమాలతో ప్రేక్షకుల మదిలో నిలిచిపోతుంటారు. అలాంటి వారిలో ఒకరు ఒకప్పటి ఐటెం సాంగ్స్ స్పెషలిస్ట్ సిల్క్ స్మిత. ఎంతో విషాదాన్ని లోలోపల దాచుకొని బయటికి మాత్రం ఎప్పుడూ సరదాగా నవ్వుతూ కనిపించేది.
సినీ రంగంలోకి వచ్చేందుకు సిల్క్ స్మిత పడిన కష్టాలు అన్నీ ఇన్నీ కావు. ఎన్నో అవమానాలు, ఛీత్కారాలు.. తట్టుకొని స్టార్ డ్యాన్సర్ గా ఫిలిం ఇండస్ర్టీలో తనకంటూ ప్రత్యేక స్థానాన్ని నిలబెట్టుకుంది. 90 దశకంలో సిల్క్ స్మిత సాంగ్ ఉందంటే ఆ సినిమా చూసేందుకు ప్రేక్షకులు ఎగబడేవారు. నిర్మాతలు కూడా తమ సినిమాలో ఒక్క సాంగ్ ఎలాగైనా ఉండాలని పట్టుబట్టేవారు.
ఇక ఆమె వృత్తిపరమైన విషయాల్లో మేకప్ గురించి అప్పట్లో చాలా చర్చలే జరిగాయి. ఆమె ఎలాంటి మేకప్ వేసుకునేది.. ? వాడే కాస్ట్యూమ్స్ ఏంటి? అనే అంశాలపై అప్పటి స్టార్ హీరోయిన్స్ చర్చించుకున్న సందర్భాలు ఉన్నాయి.
సిల్క్ స్మిత గురించి టాలీవుడ్ టాప్ స్టార్ నందమూరి బాలకృష్ణ ఓ ఇంటర్వ్యూలో ప్రస్తావించారు. సిల్క్ స్మిత మేకప్ కాస్ట్యూమ్స్ గురించి మాట్లాడిన విషయాలు వైరల్ గా మారాయి. ఇండస్ట్రీలో మేకప్, కాస్ట్యూమ్స్ విషయాల్లో సిల్క్ స్మితను ఢీకొట్టే ఆడదే లేదని చెప్పడం గమనార్హం. స్టైలింగ్ లో ఎప్పుడూ కొత్తగా కనిపించే ప్రయత్నం చేసేదని చెప్పారు. ఆమె వాడే మేకప్ ప్రొడక్ట్స్ ఏంటో తెలుసుకోవడానికి చాలామంది హీరోయిన్లు ప్రయత్నించారని గుర్తు చేశారు.
బాలకృష్ణ హీరోగా నటించిన ఆదిత్య 369 లో జాణవులే.. నెరజాణవులే సాంగ్ సూపర్ హిట్. బాలకృష్ణ, సిల్క్ స్మిత మీద ఈ పాట చిత్రీకరించారు. అప్పట్లో ఈ పాట పెద్ద సెన్సేషన్. ఈ చిత్రంలో సిల్క్ స్మిత ప్రత్యేక పాత్ర కూడా చేశారు.
