ఇటీవల కాలంలో సినిమా బ్లాక్ బస్టర్ అయితే ఆ దర్శకులకు ఖరీదైన కారు బహుమతిగా ఇవ్వడం సర్వసాధారణమైపోయింది. అదే కోవలో దసరా డైరెక్టర్ శ్రీకాంత్ ఓదెలకు BMW కారును బహుమతిగా ఇచ్చాడు నిర్మాత చెరుకూరి సుధాకర్. డైరెక్టర్ కు ఖరీదైన కారును బహుమతిగా ఇవ్వడమే కాదు ఈ సినిమాకోసం కష్టపడిన ముఖ్యమైన సాంకేతిక నిపుణులకు 10 గ్రాముల గోల్డ్ కాయిన్ లను కూడా అందించాడట.
నాని హీరోగా నటించిన దసరా చిత్రం శ్రీరామనవమి కానుకగా మార్చి 30 న విడుదల చేసిన విషయం తెలిసిందే. తెలుగు , తమిళ , కన్నడ , మలయాళ , హిందీ భాషల్లో దసరా చిత్రం విడుదల కాగా తెలుగులో మాత్రం అదరగొడుతోంది. నాలుగు రోజుల్లోనే 87 కోట్ల భారీ వసూళ్లను సాధించి చరిత్ర సృష్టించింది. నానికి 50 కోట్ల వసూళ్లే ఎక్కువ అలాంటిది దసరా చిత్రంతో 100 కోట్ల దిశగా సూదుకుపోతున్నాడు.
నిర్మాత చెరుకూరి సుధాకర్ పలు చిత్రాలను నిర్మించాడు. అయితే ఒక్కటి కూడా కమర్షియల్ గా సక్సెస్ కాలేదు. అన్ని సినిమాలు కూడా ఘోర పరాజయం పొందాయి. అంతేనా తీవ్ర నష్టాలను కూడా తెచ్చిపెట్టాయి. అయినప్పటికీ తప్పకుండా హిట్ కొట్టాలనే కసితో సినిమాలు చేస్తూనే ఉన్నాడు. ఆ కష్టానికి దసరా రూపంలో విజయం లభించింది. దాంతో సంతోషంగా డైరెక్టర్ కు ఖరీదైన కారును బహుమతిగా ఇచ్చాడు.
