నాటు నాటు అనే పాట యావత్ ప్రపంచాన్ని ఉర్రూతలూగిస్తున్న విషయం తెలిసిందే. నాటు నాటు పాటకు ఆస్కార్ అవార్డు రావడంతో పెద్ద ఎత్తున ట్రిబ్యూట్ చేస్తున్నారు. అలా టెస్లా కార్లతో అమెరికాలోని ఎడిసన్ లో భారీ ఎత్తున ఏర్పాటు చేసిన షో అదిరిపోయింది. నాటు నాటు అనే పాటకు తగ్గట్లుగా ఆ సౌండ్ కు తగ్గట్లుగా టెస్లా కార్ల లైట్ లతో సింక్ అయ్యేలా ప్లాన్ చేసారు. ఈ షో బ్లాక్ బస్టర్ అయ్యింది.
దాంతో ఆ వీడియో పై టెస్లా కార్ల అధినేత ఎలాన్ మస్క్ చేసిన ట్వీట్ వైరల్ గా మారింది. టెస్లా కార్ల అధినేత , ట్విట్టర్ అధినేత అయిన ఎలాన్ మస్క్ ప్రపంచ కుబేరుల్లో ఒకడు అనే విషయం తెలిసిందే. నాటు నాటు పాటకు టెస్లా కార్ల లైటింగ్ తో చేసిన వీడియో ఆర్ ఆర్ ఆర్ టీమ్ కు అద్భుతంగా నచ్చింది. దాంతో రిప్లయ్ ఇవ్వగా టెస్లా అధినేత ఎలాన్ మస్క్ కూడా దానికి రిప్లయ్ ఇవ్వడం వైరల్ గా మారింది. నిత్యం బిజీగా ఉండే ఎలాన్ మస్క్ ఆర్ ఆర్ ఆర్ టీమ్ కు రిప్లయ్ ఇవ్వడం అంటే అది నాటు నాటు పాట ఆస్కార్ సాధించడమే కారణమని ప్రత్యేకంగా చెప్పాలా ?
ఓటమి ఎరుగని దర్శకుడు ఎస్ ఎస్ రాజమౌళి దర్శకత్వంలో తెరకెక్కిన ఆర్ ఆర్ ఆర్ ప్రపంచ వ్యాప్తంగా 1200 కోట్లకు పైగా వసూళ్లను సాధించి చరిత్ర సృష్టించిన విషయం తెలిసిందే. ఎన్టీఆర్ , చరణ్ లు నటించిన ఈ సినిమాలో నాటు నాటు అనే పాటకు ఈ ఇద్దరూ చేసిన డ్యాన్స్ కూడా సంచలనంగా మారింది. ఇక ఇప్పుడు ఎక్కడ చూసినా నాటు నాటు మానియానే !.
.@Teslalightshows light sync with the beats of #Oscar Winning Song #NaatuNaatu in New Jersey 🤩😍
Thanks for all the love. #RRRMovie @Tesla @elonmusk pic.twitter.com/wCJIY4sTyr
— RRR Movie (@RRRMovie) March 20, 2023
