ఆర్ ఆర్ ఆర్ చిత్రం సరికొత్త చరిత్ర సృష్టించింది. అంతర్జాతీయ స్థాయిలో అవార్డు సాధించి తెలుగు సినిమా భారత జాతీయ పతాకాన్ని ఎగురవేసి ప్రపంచ వ్యాప్తంగా భారత జాతి ఔన్నత్యాన్ని చాటిచెప్పింది. నాటు నాటు అనే పాటకు గోల్డెన్ గ్లోబ్ అవార్డు దక్కింది దాంతో ప్రపంచ వ్యాప్తంగా ఉన్న భారతీయులు సంతోషం వ్యక్తం చేస్తున్నారు.
ఎస్ ఎస్ రాజమౌళి దర్శకత్వంలో తెరకెక్కిన ఆర్ ఆర్ ఆర్ గత ఏడాది ప్రపంచ వ్యాప్తంగా 1200 కోట్లకు పైగా వసూళ్లను సాధించి తెలుగు సినిమా సత్తాను ప్రపంచానికి చాటిచెప్పిన సంగతి తెలిసిందే. ఎన్టీఆర్ కొమురం భీం గా రాంచరణ్ అల్లూరి సీతారామరాజుగా నటించిన ఈ చిత్రానికి ఎం ఎం కీరవాణి సంగీతం అందించాడు.
ఇక నాటు నాటు అనే పాటను చంద్రబోస్ రాయగా రాహుల్ సిప్లిగంజ్, కాలభైరవ ఆలపించారు. థియేటర్ లలో ఈ పాట మారుమ్రోగింది . ఆ పాటకు తగ్గట్లుగా కీరవాణి అద్భుతమైన సంగీతం అందించారు. అలాగే ఎన్టీఆర్ , చరణ్ పోటీ పడి డ్యాన్స్ చేసిన తీరుకు ఫ్యాన్స్ ఫిదా అయ్యారు. దాంతో ఈపాటకు తప్పకుండా అవార్డు రావడం ఖాయమని భావించారు. కట్ చేస్తే గోల్డెన్ గ్లోబ్ అవార్డు దక్కించుకుంది. దాంతో ఆర్ ఆర్ ఆర్ చిత్ర బృందంపై ప్రశంసల వర్షం కురుస్తోంది.
