మంచు మనోజ్ సోషల్ మీడియాలో ట్రెండింగ్ లో ఉన్నాడు. నిన్నటికి నిన్న తన అన్న మంచు విష్ణు ఇలా ఇళ్లల్లోకి వచ్చి బంధువులను , స్నేహితులను కొడుతుంటాడని ఓ వీడేమో పోస్ట్ చేసాడు. ఆ వీడియో ఎంత సంచలనం సృష్టించిందో అందరికీ తెలిసిందే. పెద్ద వివాదాన్నే రాజేసింది. దాంతో ఆ వీడియో తీసేసాడు. కట్ చేస్తే హీరో అజిత్ తండ్రి చనిపోవడంతో సంతాపాన్ని తెలిపాడు.
ఇక ఇపుడేమో మరొక పోస్ట్ ట్వీట్ చేసి రచ్చ రచ్చ చేస్తున్నాడు. ”కళ్ళముందు జరుగుతున్న తప్పులను చూసి చూడనట్లు వదిలేయడం కన్నా నిజం కోసం పోరాడి చావడానికైనా సిద్దమే ” అనే కొటేషన్ పోస్ట్ చేసాడు. అంతేకాదు అలాగే క్రియేటివిటికీ నెగెటివిటీయే శత్రువు అనే మరో కోట్ కూడా పోస్ట్ చేసాడు. అంతేకాదు మీరు బతకండి అలాగే ఇతరులను కూడా బతకనివ్వండి అంటూ దండం పెడుతున్న ఎమోజీ కూడా పోస్ట్ చేసాడు మంచు మనోజ్ . దాంతో అన్నాదమ్ముల మధ్య ఇంకా గొడవలు తగ్గలేదని భావిస్తున్నారు నెటిజన్లు.
అంతేకాదు మంచు మనోజ్ కు మద్దతుగా కామెంట్స్ చేస్తున్నారు కూడా. మీకు మద్దతుగా ఉన్నాం …… సినిమాలపై దృష్టి పెట్టండన్నా ….. అని కొందరు అంటుంటే మరికొందరేమో మంచు విష్ణు పై దారుణమైన వ్యాఖ్యలు చేస్తున్నారు. మొత్తానికి మంచు మనోజ్ చేసిన ట్వీట్ సోషల్ మీడియాలో వైరల్ గా మారింది. మంచు కుటుంబంలో ఇంకా గొడవలు సద్దుమణగలేదు అని అనిపిస్తోంది ఆ ట్వీట్ చూస్తుంటే.
Live and let live 🙏🏼❤️ Love you all with all my heart. #ManchuManoj pic.twitter.com/ypecRuZwLG
— Manoj Manchu🙏🏻❤️ (@HeroManoj1) March 25, 2023
