మంచు మనోజ్ విడుదల చేసిన వీడియో సోషల్ మీడియాలో సంచలనంగా మారింది. అంతేకాదు మోహన్ బాబు కుటుంబంలో ఉన్న గొడవలను రచ్చకెక్కేలా చేసింది. దాంతో మీడియాలో రచ్చ రచ్చ అయ్యింది ఈ వ్యవహారం. ఈ గొడవపై ఎట్టకేలకు మంచు విష్ణు స్పందించాడు. ఇది చాలా చిన్న గొడవ …… అప్పుడప్పుడు ఇలాంటివి జరుగుతూనే ఉంటాయి అంటూ కవర్ చేసాడు మంచు విష్ణు.
నాకు సారధితో జరుగుతున్న వివాదాన్ని వీడియో తీసి సోషల్ మీడియాలో పెట్టాడు కానీ ఆ గొడవను ఆపలేదు మా తమ్ముడు మనోజ్ ….. అతడు చిన్నవాడు ……. ఇలాంటివి అప్పుడప్పుడు జరుగుతూనే ఉంటాయి అంటూ లైట్ గా తీసుకున్నాడు మంచు విష్ణు. ఇక ఈ వ్యవహారం సినిమా రంగంలో కూడా తీవ్ర ప్రకంపనలు సృష్టించింది.
మంచు విష్ణు – మంచు మనోజ్ ల మధ్య గొడవలు చాలాకాలంగానే జరుగుతున్నాయి. దాంతో మనోజ్ మోహన్ బాబు కుటుంబానికి దూరంగా ఉంటున్నాడు. ఇక ఇటీవలే మంచు మనోజ్ భూమా మౌనిక రెడ్డిని ప్రేమించి పెళ్లి చేసుకున్న విషయం తెలిసిందే. ఆ పెళ్లికి ఇలా వచ్చి అలా వెళ్ళిపోయాడు మంచు విష్ణు. మనోజ్ ఫేస్ బుక్ లో పెట్టిన వీడియో వైరల్ గా మారడంతో ఇంటి పరువు రోడ్డున పెడతావా ? అంటూ మోహన్ బాబు మండిపడ్డాడు. దాంతో ఆ వీడియోను డిలీట్ చేసాడు మంచు మనోజ్. అయితే అప్పటికే జరగాల్సిన నష్టం జరిగిపోయింది.
