వాల్తేరు వీరయ్య బ్లాక్ బస్టర్ హిట్ తో మెగాస్టార్ చిరంజీవి మంచి ఊపు మీద ఉన్నాడు. అదే సమయంలో ఫ్యూచర్ ప్రాజెక్టులపై ఆయన మరింత జాగ్రత్తగా అడుగులు వేస్తున్నాడు. ప్రస్తుతం మెహర్ రమేష్ దర్శకత్వంలో బోళాశంకర్ మూవీ చేస్తుండగా..ఈ సినిమా గురించి అప్డేట్స్ కాస్త తక్కువగానే వస్తున్నాయి. ముందుగానే హైప్ పెంచొద్దనే ఉద్దేశ్యంతో ఏ విషయాలనూ బయటకు చెప్పడం లేదు మేకర్స్. అయితే తాజాగా భోళా శంకర్ మూవీ ఇంట్రెస్టింగ్ న్యూస్ బయటకు వచ్చింది.
అది భోళా శంకర్ సినిమా ఇంటర్వెల్ బ్యాంగ్ గురించి. చిరంజీవి క్యారెక్టర్ కు సంబంధించి ఎవరూ ఊహించలేని ఓ ట్విస్ట్ రివీల్ అవుతుంది అని.. సినిమా మొత్తంలోనే ఈ ఇంటర్వెల్ హైలైట్ అవుతుంది అని తెలుస్తోంది. ఈ సినిమా మొత్తానికి అదే ఆయువుపట్టుగా నిలవబోతోందని చెబుతున్నారు. వాస్తవానికి చిరు కూడా ఆ ఒక్క పాయింట్ కే ఫిదా అయి, మెహర్ రమేష్ తో సినిమా ఓకే చేశాడని అంటున్నార. దీంతో ఆ ఇంటర్వెల్ సీన్ ఏమై ఉంటుందా అన్న క్యూరియాసిటీ అందరిలోనూ పెరిగిపోతుంది.
ఇక చిరంజీవి తన కెరీర్ లోనే భోళా శంకర్ పాత్ర కోసం పూర్తి డిఫరెంట్ లుక్ లో కనిపించబోతున్నాడు. ఆ మధ్య సోషల్ మీడియాలో బాగా వైరల్ అయిన కొత్త లుక్ ఈ సినిమాలోదేనట. మెహర్ రమేష్ కూడా ఈ సినిమా స్క్రిప్ట్ ను బాగా డిజైన్ చేశాడని అంటున్నారు. కథలోని మెయిన్ ఎమోషన్స్ అన్నీ అద్భుతంగా వచ్చాయట. మామూలుగానే హీరోలను స్టైలిష్ గా చూపించడంలో మెహర్ రమేష్ కి మంచి టాలెంట్ ఉంది. మరీ మెగాస్టార్ ను మెహర్ రమేష్ ఎంత కొత్తగా చూపిస్తాడో చూడాలి.
