మీడియాపై సెటైర్ వేసిన మోహన్ బాబు , మంచు మనోజ్

మీ ఇంట్లో మీ భార్యకు మీకు ఏమిటి సంబంధం ? అంటూ మీడియా ప్రతినిధిపై ఆగ్రహం వ్యక్తం చేసాడు మంచు మోహన్ బాబు. నాకు మీడియా అంటే ఎనలేని గౌరవం ….. అయితే ఎప్పుడు ? ఎక్కడ ? ఎలాంటి ప్రశ్నలు వేయాలో అక్కడ అలాంటి ప్రశ్నలు మాత్రమే వేయాలి అంటూ ఉచిత సలహా ఇచ్చాడు. తాజాగా మోహన్ బాబు అలాగే మంచు మనోజ్ తిరుపతిలో ఓ హాస్పిటల్ ప్రారంభోత్సవ వేడుకల్లో పాల్గొన్నారు.

కాగా ఆ సమయంలో మీడియా ప్రతినిధులు అడిగిన ప్రశ్నకు మోహన్ బాబు వ్యంగ్యంగా ఇచ్చిన సమాధానం మీడియాను షాక్ అయ్యేలా చేసింది. అలాగే మంచు మనోజ్ ను రీసెంట్ గా  మీ ఫ్యామిలీలో జరిగిన వివాదాల గురించి స్పందించాల్సిందిగా కోరగా నా భుజంపై సెగగడ్డ వచ్చింది అదే రీసెంట్ ఇష్యు …… మీరేమైనా గోకుతారా ? అంటూ ఎదురు ప్రశ్నించాడు దాంతో బిత్తరపోవడం మిగతా వాళ్ళ వంతయ్యింది.

ఇటీవల కాలంలో మంచు విష్ణు – మంచు మనోజ్ ల మధ్య గొడవలు జరిగిన విషయం తెలిసిందే. మంచు మనోజ్ రిలీజ్ చేసిన వీడియో సంచలనంగా మారింది. కట్ చేస్తే అదేం లేదు ….. అని కవర్ చేసారు. అయితే మంచు మనోజ్ రకరకాల అర్దాలు వచ్చేలా మూడు రకాల ట్వీట్ లు చేసాడు దాంతో మంచు బ్రదర్స్ మధ్య గొడవలు పెద్దవిగానే ఉన్నాయని అనుకుంటున్న సమయంలో తిరుపతిలో పర్యటించారు మోహన్ బాబు , మనోజ్ లు. అయితే మీడియా అడిగిన ప్రశ్నలకు సెటైర్లు వేయడంతో గమ్మున ఉండిపోయారు.