నాని హీరోగా నటించిన దసరా మార్చి 30 న విడుదలై సంచలన విజయం సాధించిన సంగతి తెలిసిందే. నాని హీరోగా నటించగా కీర్తి సురేష్ హీరోయిన్ గా నటించింది. ఇక శ్రీకాంత్ ఓదెల అనే కొత్త కుర్రాడు ఈ చిత్రానికి దర్శకత్వం వహించాడు. నానికి 50 కోట్ల సినిమానే కష్టం అనుకుంటే ఈ సినిమా ఏకంగా 110 కోట్ల గ్రాస్ వసూళ్లను సాధించి సంచలనం సృష్టించింది.
అయితే థియేటర్ లలో ఈ సినిమాను చూడని వాళ్లకు అవకాశం కల్పిస్తోంది నెట్ ఫ్లిక్స్. ఎందుకంటే దసరా ఓటీటీ రిలీజ్ డేట్ వచ్చేసింది. ఏప్రిల్ 27 న నెట్ ఫ్లిక్స్ లో దసరా స్ట్రీమింగ్ కి వస్తోంది. దాంతో థియేటర్ లలో మిస్ అయిన వాళ్ళు హాయిగా నెట్ ఫ్లిక్స్ లో చూడొచ్చు. ఈమేరకు అధికారికంగా నెట్ ఫ్లిక్స్ స్ట్రీమింగ్ డేట్ ను ప్రకటించింది.
దసరా సినిమాతో మొట్టమొదటి బ్లాక్ బస్టర్ కొట్టాడు నిర్మాత చెరుకూరి సుధాకర్. ఇప్పటి వరకు సుధాకర్ దాదాపు 6 చిత్రాలు నిర్మించగా అన్ని కుల ప్లాప్ అయ్యాయి. కట్ చేస్తే దసరా బ్లాక్ బస్టర్ కొట్టింది దాంతో ఆ సంతోషంలో దర్శకుడు శ్రీకాంత్ ఓదెలకు ఏకంగా 80 లక్షల కారును బహుమతిగా ఇచ్చాడు నిర్మాత చెరుకూరి సుధాకర్.
