ఎన్టీఆర్ – కొరటాల శివ కాంబినేషన్ లో సినిమా స్టార్ట్ అవుతోంది అంటూ ఏడాది కాలంగా చెబుతూనే ఉన్నారు …….. అలాగే రిలీజ్ డేట్ కూడా అనౌన్స్ చేసారు. కానీ సినిమా సెట్స్ మీదకు వెళ్ళింది లేదు వాయిదాల మీద వాయిదాలు పడుతూనే ఉంది. ఎట్టకేలకు ఈ కొత్త ఏడాదిలో కొత్తగా అప్ డేట్ ఇచ్చారు మేకర్స్. 2023 ఫిబ్రవరి లో ఈ సినిమా సెట్స్ మీదకు వెళ్తుందని , అలాగే 2024 ఏప్రిల్ 5 న సినిమా విడుదల అవుతుందని ప్రకటించారు.
అంటే ఈ కాంబినేషన్ లో సినిమా కోసం ఇంకా ఏడాదికి పైగా ఎదురు చూడాల్సిందే అన్నమాట. గతంలో కూడా పలుమార్లు ఈ సినిమాకు సంబందించిన అప్ డేట్ ఇవ్వడం అది మారిపోవడం జరుగుతూనే ఉంది. దాంతో ఎన్టీఆర్ అభిమానులు చాలా ఆగ్రహం వ్యక్తం చేసారు. పలుమార్లు వాయిదా పడటంతో అసలు ఈ సినిమా ఉంటుందా ? అనే అనుమానం కూడా వ్యక్తమయింది.
అయితే అందరి అంచనాలను తల్లకిందులు చేస్తూ ఎన్టీఆర్ 30 వ సినిమా రిలీజ్ డేట్ ను ప్రకటించారు. గతంలో ఎన్టీఆర్ – కొరటాల శివ కాంబినేషన్ లో ” జనతా గ్యారేజ్ ” అనే సినిమా వచ్చింది. అది సూపర్ హిట్ కావడంతో ఈ సినిమాపై అంచనాలు నెలకొన్నాయి. అయితే ఆచార్య ప్లాప్ కావడంతో ఈ సినిమా వాయిదా పడుతూ వచ్చింది. ఎట్టకేలకు ఫిబ్రవరిలో సెట్స్ మీదకు వెళ్తోందని ప్రకటించడంతో ఎన్టీఆర్ అభిమానులు సంతోషం వ్యక్తం చేస్తున్నారు.
