జనసేన అధినేత పవన్ కళ్యాణ్ ఎన్నికల యుద్దానికి సిద్ధమంటూ ప్రకటించాడు. తన యుద్ధ నౌకకు ” వారాహి ” అనే పేరు పెట్టాడు పవన్ కళ్యాణ్. యుద్ధం జరిగిన సమయంలో ఎలాంటి వాహనాలను అయితే సైనికులు వాడతారో అలాంటి వాహనాన్ని సిద్ధం చేసాడు పవన్. అధునాతనమైన ఈ వాహనానికి ” వారాహి ” అనే పేరు పెట్టాడు. అంతేకాదు తన యుద్ధ వాహనాన్ని చూస్తూ , అలాగే దానితో కలిసి దిగిన ఫోటోలను సోషల్ మీడియాలో పెట్టేసాడు.
ఇప్పుడు ఆ ఫోటోలు వైరల్ గా మారాయి సోషల్ మీడియాలో. ఆంధ్రప్రదేశ్ లో ఎన్నికలకు ఇంకా 18 నెలల సమయం ఉంది. అయినప్పటికీ ముందస్తు ఎన్నికలు రావచ్చనే ఊహాగానాల మధ్య ఎన్నికల యుద్దానికి సిద్ధంగా ఉండాలనే కృతనిశ్చయంతో ఈ వారాహిని సిద్ధం చేసాడు. అంతేకాదు నేను సిద్ధంగా ఉన్నాను అంటూ ఏపీ సీఎం జగన్ కు హెచ్చరికలు జారీ చేసాడు అనే చెప్పవచ్చు.
ప్రస్తుతం హరిహర వీరమల్లు చిత్రం కోసం రామోజీ ఫిలిం సిటీ లో ఉన్నాడు పవన్. ఇటీవల ఈ సినిమాకు సంబందించిన పలు కీలక సన్నివేశాలను రామోజీ ఫిలిం సిటీ లో చిత్రీకరిస్తున్నారు దర్శకులు క్రిష్. ఒకవైపు సినిమా షూటింగ్ లో పాల్గొంటూనే మరోవైపు ఎన్నికల యుద్దానికి సిద్దమవుతున్నాడు జనసేనాని .
— Pawan Kalyan (@PawanKalyan) December 7, 2022
‘Varahi’ is ready for Election Battle! pic.twitter.com/LygtMrp95N
— Pawan Kalyan (@PawanKalyan) December 7, 2022
