రామ్ చరణ్ బర్త్ డే వేడుకలు నెవ్వర్ బిఫోర్ అన్నట్టుగా సాగాయి. లోకల్ టు గ్లోబల్ స్టార్గా రామ్ చరణ్ పేరు మార్మోగిపోతోంది.RRR సినిమాతో ఏకంగా కుంభస్థలాన్ని బద్దలు కొట్టాడు. పాన్ ఇండియా మార్కెట్ క్రియేట్ చేసుకోవడమే కాకుండా, గ్లోబల్ వైడ్ ఫేమ్ ని సంపాదించుకున్నాడు. పైగా ఆర్ ఆర్ ఆర్ కు ఆస్కార్ అవార్డు రావడంతో పుట్టిన రోజు వేడుకలను నెక్ట్స్ లెవల్ లో జరిగాయి. చిరంజీవి నివాసంలో ఏర్పాటు చేసిన ఈ పార్టీ లో సంబరాలు అంబరాన్నంటాయి.
రామ్ చరణ్ బర్త్ డే పార్టీకి టాలీవుడ్ మొత్తం మెగా కాంపౌండ్ కి తరలివచ్చింది. నాగ్ ఫ్యామిలీ, రాజమౌళి, విజయ్ దేవరకొండ, కాజల్ అగర్వాల్, రానా, అడవిశేషు, శ్రీకాంత్, నిఖిల్, మంచు మనోజ్, లక్ష్మి, కీరవాణి, దర్శకుడు మెహర్ రమేష్, ప్రశాంత్ నీల్, సుకుమార్… తదితరులు హాజరయ్యారు. టాలీవుడ్ నుంచే కాక తమిళ దర్శకులు కూడా పార్టీలో సందడి చేశారు. కన్నడ దర్శకుడు నర్తన్..తమిళ ప్రొడ్యూసర్ KVN అటెండ్ అయిన ఫోటోలు నెట్టింట వైరల్ అవుతున్నాయి.
ఇక ఈ ఈవెంట్ లో స్పెషల్ అట్రాక్షన్ గా నిలిచారు రామ్ చరణ్ దంపతులు. చరణ్ బ్లాక్ కలర్ ఔట్ ఫిట్ ధరించగా.. ప్రస్తుతం ప్రెగ్నెన్సీతో ఉన్న ఉపాసన బ్లూ కలర్ డ్రస్ లో క్యూట్ గా కనిపించింది. ఈవెంట్ కు వెళ్లేముందు ఫొటోలకు పోజిలిచ్చిన ఈ జంట.. చూడముచ్చటగా కనిపించారు. తొలిసారి ఉపాసన బేబీ బంప్ కూడా క్లియర్ గా కనిపించడంతో అందుకు సంబంధించిన ఫొటోలు సోషల్ మీడియాలో వైరల్ గా మారాయి. ఉపాసన అతి త్వరలో పండంటి బిడ్డకు జన్మనివ్వబోతున్నారు. ఈ క్రమంలో మెగా కుటుంబంతో పాటు అభిమానులు కూడా బుల్లి మెగా వారసుడి కోసం ఈగర్ గా వెయిట్ చేస్తున్నారు.