ఆర్ ఆర్ ఆర్ తో గ్లోబల్ ఇమేజ్ ను సొంతం చేసుకున్నాడు మెగాపవర్ స్టార్ రామ్ చరణ్. ఆస్కార్ ప్రమోషన్స్ లో గ్లోబల్ మీడియాలతో కలిసి చెర్రీ చేసిన రచ్చ అంతా ఇంతా కాదు. ఇక ఆర్ ఆర్ ఆర్ ఆస్కార్ ఈవెంట్ లో చరణ్ దంపతులు స్పెషల్ అట్రాక్షన్ గా నిలిచారు. అయితే ఆస్కార్ వేడుకలకి ఎలా స్టార్ట్ అయ్యాం అనే విషయాలతో ఒక వీడియో చేయగా…అది సరికొత్త రికార్డును క్రియేట్ చేసింది.
ఆర్ఆర్ఆర్ స్టార్ రామ్ చరణ్ గెటింగ్ రెడీ ఫర్ ది ఆస్కార్స్ అనే టైటిల్ తో ఉపాసన ఈ వీడియోని తన ఛానల్ లో పోస్ట్ చేశారు. ఈ వీడియో ఏకంగా 6.5 మిలియన్లకు పైగా వ్యూస్ ను సొంతం చేసుకుంది. దీంతో ఇప్పటి వరకు ఈ ఛానెల్‌లో అత్యధికంగా వీక్షించబడిన వీడియోగా ఇది రికార్డు క్రియేట్ చేసింది. అయితే ఈ వీడియోలో గ్లోబల్ స్టార్ రామ్ చరణ్, భార్య ఉపాసన వారి రోజు వారి జీవితంలో నిర్వహించే కొన్ని ప్రత్యేకమైన అంశాల గురించి చెర్రీ వివరించారు. అంతేకాక ఆస్కార్ కోసం రెడీ అయిన విషయాలతో పాటు ఉపాసనపై రామ్ చరణ్ కు ఎంత ప్రేమ ఉందో చూపించాడు.
మరోవైపు ఉపాసన అందమైన చీరను ధరించి, మేకప్ వేసుకుంటున్నట్లు వీడియోలో కనిపించింది. ఇద్దరు తమ తమ గదుల నుంచి అందంగా రెడీ అయ్యి బయటకు రావడం, ఆ క్రమంలో రెడ్ కార్పెట్ సిద్ధంగా ఉండటం చూడవచ్చు. ఇలా వారి గదిని ప్రత్యేకంగా రూపొందించుకున్న విధానం చూపరులను ఆకట్టుకుంటుంది. రామ్ చరణ్ ఉపాసన కలిసి కంప్లీట్ గా మ్యాకప్ అయ్యి వచ్చి దేవుడికి దండం పెట్టుకొని వేడుకలకి వెళ్ళడం వీడియోలో చూపించారు. ఉపాపన హెయిర్ స్ప్రే చేయడం.. నుంచి ఆస్కార్ వేడుకకు వెళ్లిన ప్రతి అంశాన్ని షేర్ చేశారు. మొత్తానికి లవ్లీ కపుల్ చేసిన సందడితో మిలియన్ల వ్యూస్‌ని సొంతం చేసుకుని హాట్టటాపిక్ గా మారింది.
