మార్చి 12 న ఆస్కార్ వేదికపై  నాటు నాటు లైవ్ షో

మార్చి 12 న ఆస్కార్ అవార్డుల వేడుక అట్టహాసంగా జరుగనుంది. దాంతో ఆ వేదికపై నాటు నాటు అనే పాట అట్టహాసంగా ఆలపించనున్నారు. ఈ పాటను రాహుల్ సిప్లిగంజ్ , కాలభైరవ ఆలపించారు. దాంతో ఆ ఇద్దరి చేత ఆస్కార్ వేదిక మీద పాడించడానికి సన్నాహాలు చేస్తున్నారు. ఇందుకోసం సర్వం సిద్ధమైంది.

ఇక ఈ నాటు నాటు పాటను పాడటానికి రాహుల్ సిప్లిగంజ్ , కాలభైరవ అమెరికా వెళ్తున్నారు. ఆర్ ఆర్ ఆర్ సినిమాలో నాటు నాటు అనే పాట ఎంతగా పాపులర్ అయ్యిందో అందరికీ తెలిసిందే. పైగా ఈ పాట ఇప్పుడు ఆస్కార్ బరిలో నిలిచింది. అంతేకాదు దాదాపుగా నాటు నాటు అనే పాట ఆస్కార్ అవార్డు కొట్టేసినట్లే అని వినబడుతోంది. దాంతో మరింతగా ఇంప్రెస్ చేయడానికి లైవ్ కాన్ సర్ట్ ఏర్పాటు చేసింది జక్కన్న అండ్ కో టీమ్.

మార్చి 12 న జరిగే ఆస్కార్ అవార్డుల కోసం చరణ్ , ఎస్ ఎస్ రాజమౌళి , కీరవాణి , చంద్రబోస్ తదితరులు అమెరికాలోనే ఉన్నారు. ఇక జూనియర్ ఎన్టీఆర్ మరో రెండు రోజుల్లో అమెరికా వెళ్లనున్నాడు. మార్చి 2 న నందమూరి తారకరత్న పెద్ద కర్మ పూర్తి కాగానే అమెరికా పర్యటన చేయనున్నాడు ఎన్టీఆర్. మొత్తానికి భారతీయ చిత్రానికి ఆస్కార్ అడుగు దూరంలో ఉందని ఊహాగానాలు వినిపిస్తున్నాయి. ఆస్కార్ అవార్డు దక్కితే ఆర్ ఆర్ ఆర్ చిత్రం మాత్రమే కాదు భారతీయ చిత్రమే చరిత్ర సృష్టించినట్లు అవుతుంది.