సమంత రేటు పెంచిందట ! దాంతో దర్శక నిర్మాతలు షాక్ అవుతున్నారు. ఇంతకుముందు వరకు 3 కోట్ల లోపు రెమ్యునరేషన్ తీసుకునేది సమంత. అయితే తన రేంజ్ మారిపోయిందని భావించిన సమంత అమాంతంగా తన రెమ్యునరేషన్ ని పెంచేసింది. ఇంతకీ ఈ భామ ఇప్పుడు డిమాండ్ చేస్తున్న రేటు ఎంతో తెలుసా …….. 8 నుండి 10 కోట్లు.
అవును ఒక్కో సినిమాకు ఇక నుండి 8 నుండి 10 కోట్ల వరకు ఇస్తేనే చేస్తాను …… లేదంటే చేయను అని పట్టుబడుతోందట. ఈ భామ తాను కూడా పాన్ ఇండియా స్టార్ నని అంటోంది. తాజాగా హిందీలో కూడా కొన్ని సినిమాలు కమిట్ అయ్యింది. దాంతో ఈ రెమ్యునరేషన్ డిమాండ్ చేస్తోందట.
ఇక త్వరలోనే విడుదల కాబోయే యశోద హిట్ అయ్యిందే అనుకో ఆ రెమ్యునరేషన్ ని మరికాస్త పెంచడం ఖాయంగా కనిపిస్తోంది. ఎందుకంటే ముంబైలో 30 కోట్లు పెట్టి ఇటీవలే ఓ ఫ్లాట్ కొనుక్కుంది. ముంబైలో జెండా పాతాలని వెళ్ళింది. మరి జెండా పాతుతుందా ? లేదా ? అన్నది చూడాలి. యశోద చిత్రం నవంబర్ 11 న విడుదల అవుతోంది. ఈ సినిమా తెలుగు , తమిళ భాషల్లో విడుదల కానుంది.