80- 90 వదశకంలో స్టార్ హీరోయిన్ గా ఓ వెలుగు వెలిగిన భామ మాధవి. అయితే తేనెకళ్ల మాధవి లుక్ అప్పట్లో కుర్రాళ్ళ గుండెల్లో మంటలు పెట్టిందని అనడంలో ఎలాంటి సందేహం లేదు. అలాంటి మాధవి తాజా లుక్ అప్పటి తరాన్ని షాక్ అయ్యేలా చేస్తోంది. మాధవి వయసు 60 సంవత్సరాలు మాత్రమే ! అయినప్పటికీ ముసలిదానిలా ఉన్న లుక్ ప్రస్తుతం సోషల్ మీడియాలో వైరల్ గా మారింది.
తెలుగు ,తమిళ్ , మలయాళం , కన్నడ , హిందీ భాషల్లో పలు చిత్రాల్లో నటించింది మాధవి. రజనీకాంత్ , కమల్ హాసన్ , చిరంజీవి , డాక్టర్ రాజశేఖర్ తదితర హీరోల సరసన నటించింది. ఇక మెగాస్టార్ చిరంజీవి తో ఎక్కువ సినిమాలు చేసింది. దొంగమొగుడు , ఖైదీ , ఇంట్లో రామయ్య వీధిలో క్రిష్నయ్య కోతల రాయుడు , ప్రాణం ఖరీదు , కుక్కకాటుకు చెప్పు దెబ్బ , ఊరికిచ్చిన మాట ,మొండిఘటం , రోషగాడు , సింహాపురి సింహం , చట్టంతో పోరాటం తదితర చిత్రాల్లో నటించింది.
View this post on Instagram
80 వ దశకంలో కుర్రాళ్ళ గుండెల్లో మంటలు పెట్టిన ఈ భామ స్టార్ హీరోయిన్ గా ఓ వెలుగు వెలుగుతున్న సమయంలోనే సినిమాలకు గుడ్ బై చెప్పి పెళ్లి చేసుకుంది. మాధవి అసలు పేరు విజయలక్ష్మి కాగా సినిమాల్లోకి వచ్చాక మాధవిగా పేరు మార్చారు. రాల్ఫ్ శర్మ ను పెళ్లి చేసుకున్న మాధవికి ముగ్గురు ఆడపిల్లలు.
సోషల్ మీడియాలో ఇటీవల తన ఫోటోలను , కుటుంబ సభ్యుల ఫోటోలను పోస్ట్ చేసింది. ఆ ఫోటోలు చూసి షాక్ అవుతున్నారు నెటిజన్లు. దాంతో అందాల మాధవి ఇలా అయ్యిందేంటి ? అంటూ ఆశ్చర్యపోతున్నారు.
