స్టూవర్ట్ పురం గజదొంగ టైగర్ నాగేశ్వరరావు బయోపిక్ టైగర్ నాగేశ్వరరావు గా రూపొందుతున్న విషయం తెలిసిందే. గజదొంగ టైగర్ నాగేశ్వరరావు పాత్రలో మాస్ మహరాజ్ రవితేజ నటిస్తున్నాడు. ప్రస్తుతం ఈ చిత్రం హైదరాబాద్ శివారు ప్రాంతమైన అల్యూమినియం ఫ్యాక్టరీలో షూటింగ్ శరవేగంగా జరుగుతోంది. అల్యూమినియం ఫ్యాక్టరీలో వేసిన ప్రత్యేక సెట్ లో కీలక సన్నివేశాలు చిత్రీకరిస్తున్నారు.
ఇక ఈ సినిమాలో మరో విశేషం ఏమిటంటే పవన్ కళ్యాణ్ మాజీ భార్య రేణు దేశాయ్ కీలక పాత్రలో నటిస్తుండటం విశేషం. రేణు దేశాయ్ పవన్ కళ్యాణ్ ను పెళ్లి చేసుకునే ముందు సినిమాల్లో నటించడం మానేసింది. కట్ చేస్తే విడాకులు అయ్యాక ఓ మరాఠీ సినిమాని నిర్మించడమే కాకుండా దర్శకత్వం కూడా వహించింది.
అయితే ఆ సినిమా అంతగా ఆడలేదు దాంతో సైలెంట్ అయ్యింది. కట్ చేస్తే ……. టైగర్ నాగేశ్వరరావు చిత్రంలో ఆఫర్ రాగానే ఒప్పుకుంది. ఆమె కూడా ఈ షూటింగ్ లో పాల్గొంటోంది. రవితేజ ధమాకా చిత్రంతో ఇటీవలే హిట్ కొట్టాడు. దాంతో టైగర్ నాగేశ్వరరావు చిత్రం పై అంచనాలు మరింతగా పెరగడం ఖాయం.
