బాలీవుడ్ యంగ్ హీరో సుశాంత్ సింగ్ రాజ్ పుత్ ఆత్మహత్య చేసుకున్న రెండేళ్లకు అతడి స్నేహితురాలు వైశాలి టక్కర్ కూడా ఆత్మహత్య చేసుకోవడం సంచలనంగా మారింది. బుల్లితెర నటి అయిన వైశాలి టక్కర్ సుశాంత్ సింగ్ రాజ్ పుత్ కు బాగా దగ్గరి స్నేహితురాలు. సుశాంత్ ఆత్మహత్య చేసుకున్న సమయంలో తీవ్ర దుఃఖసాగరంలో మునిగింది.
సుశాంత్ ది ఆత్మహత్య కాదు ముమ్మాటికీ హత్య అంటూ మీడియా ముందు ఆరోపించింది. అయితే తాజాగా తానే ఆత్మహత్యకు పాల్పడటం సంచలనంగా మారింది, మధ్యప్రదేశ్ లోని ఇండోర్ లో తన ఇంట్లోనే అక్టోబర్ 16 న ఆత్మహత్య చేసుకుంది. వైశాలి టక్కర్ మృతికి కారణాలు అన్వేషిస్తున్నారు పోలీసులు. వెండితెరపై వెలిగిపోవాలని ఆశపడిన ఈ ఇద్దరు కూడా ఆత్మహత్య చేసుకోవడం సినిమా వర్గాలను షాక్ అయ్యేలా చేసింది.
