నటసింహం నందమూరి బాలకృష్ణ హీరోగా నటించిన చిత్రం వీరసింహారెడ్డి. గోపీచంద్ మలినేని దర్శకత్వంలో మైత్రి మూవీ మేకర్స్ పతాకంపై భారీ బడ్జెట్ తో తెరకెక్కిన ఈ చిత్రం ఈరోజు భారీ ఎత్తున అత్యధిక కేంద్రాల్లో విడుదల అయ్యింది. ఇక ఓవర్సీస్ లో షోలు ముందుగానే పడతాయి కాబట్టి వీరసింహారెడ్డి చిత్రాన్ని చూసిన ప్రేక్షకులు ట్విట్టర్ లో తమ అభిప్రాయాలను వ్యక్తం చేస్తున్నారు. ఈ చిత్రానికి పాజిటివ్ , నెగెటివ్ రెండు టాక్ లు కూడా వినబడుతున్నాయి.
అయితే ఎక్కువగా పాజిటివ్ టాక్ వినబడుతోంది అనే చెప్పాలి. బాలయ్య ఊర మాస్ జాతర అంటూ అభిమానులు సంతోషం వ్యక్తం చేస్తుండగా, మరికొందరు మాత్రం ఊహించిన స్థాయిలో సినిమా లేదని అంటున్నారు. ఓవరాల్ గా అయితే పాజిటివ్ రివ్యూస్ ఎక్కువగా ఉన్నాయి. సెంటిమెంట్, యాక్షన్ , పాటలు , తమన్ నేపథ్య సంగీతం వెరసి వీరసింహారెడ్డి సంక్రాంతి బ్లాక్ బస్టర్ అని అంటున్నారు. అయితే అసలైన తీర్పు మాత్రం తెలుగు రాష్ట్రాల ప్రేక్షకులు ఇవ్వనున్నారు.
