ప్రముఖ దర్శకులు వెట్రిమారన్ దర్శకత్వంలో తెరకెక్కిన చిత్రం ” విడుదలై పార్ట్ 1 ”. తమిళనాట సంచలన విజయం సాధించిన ఈ చిత్రాన్ని తెలుగులో విడుదల పార్ట్ 1 గా విడుదల చేసారు. తమిళ ప్రేక్షకులను అలరించిన ఈ చిత్రం తెలుగు ప్రేక్షకులను కూడా అలరిస్తోంది. ఈరోజు రెండు తెలుగు రాష్ట్రాల్లో విడుదలైన ఈ చిత్రం సూపర్ టాక్ సొంతం చేసుకుంది.
తమిళ నటుడు సూరి తెలుగు ప్రేక్షకులకు సుపరిచితుడు. పలు తమిళ చిత్రాల్లో నటించాడు. కాగా ఆ తమిళ చిత్రాలు తెలుగులో డబ్ అయిన విషయం తెలిసిందే.అయితే అందరికీ తెలిసిన సూరి ఓ కమెడియన్ మాత్రమే ! ఒక హాస్య నటుడ్ని కథలో హీరోగా తీసుకొని వెట్రిమారన్ అద్భుత ప్రయోగం చేసాడనే చెప్పాలి. సూరి లోని మరో కోణాన్ని ప్రపంచానికి చాటి చెప్పాడు. సూరి అనగానే ఓ కమెడియన్ కదా ! అని లైట్ గా తీసుకునే వాళ్లకు గట్టి షాక్ నే ఇచ్చాడు తన నటనతో. సూరి నటన చూసాక శభాష్ అనకుండా ఉండలేరు మరి.
ఇక విజయ్ సేతుపతి గురించి కొత్తగా చెప్పడానికేముంది. అద్భుతమైన నటుడు , ఈ చిత్రంలో ఉన్నది కొద్దిసేపే అయినప్పటికీ అద్భుతమైన నటనతో ప్రేక్షకుల మదిలో నిలిచిపోతాడు. భవానీ శ్రీకి కూడా మంచి పాత్ర లభించడంతో ఆ పాత్రను సద్వినియోగం చేసుకుంది. తమిళ ప్రేక్షకుల కంటే తెలుగు ప్రేక్షకులకు ఈ సినిమా ఇంకా బాగా నచ్చొచ్చు. ఎందుకంటే నక్సలిజం – పోలీసుల మధ్య నలిగిన ప్రజలు తెలుగు ప్రజలు అందునా తెలంగాణ ప్రజలు. దాంతో ఈ సినిమా తెలంగాణలో మరింతగా విజయం సాధించొచ్చు ఐ తెలుస్తోంది. ఎంతైనా వెట్రిమారన్ ….. వెట్రిమారనే ! అతడ్ని ఎంత పొగిడినా తక్కువే !.
