బిచ్చగాడు చిత్రంతో తెలుగులో అలాగే తమిళంలో సంచలన విజయం సాధించి ఒక్కసారిగా హీరోగా ఎనలేని క్రేజ్ సొంతం చేసుకున్న హీరో విజయ్ ఆంటోనీ. తెలుగులో బిచ్చగాడు చిత్రం ఎంతటి సంచలనం సృష్టించిందో అందరికీ తెలిసిందే. ఎలాంటి అంచనాలు లేకుండా వచ్చిన ఈ చిత్రం ప్రభంజనం సృష్టించింది. దాంతో హీరోగా బిజీ అయ్యాడు విజయ్ ఆంటోనీ.
అయితే వరుసగా చేసిన చిత్రాలు ప్లాప్ అయ్యాయి దాంతో మళ్ళీ బిచ్చగాడు చిత్రాన్నే నమ్ముకున్నాడు విజయ్ ఆంటోనీ. తాజాగా బిచ్చగాడు 2 చిత్రం చేస్తున్నాడు ఈ హీరో. ఈ సినిమా షూటింగ్ కోసం మలేషియా వెళ్ళింది చిత్ర బృందం. అక్కడ యాక్షన్ సీన్స్ చిత్రీకరిస్తున్న సమయంలో ఘోర ప్రమాదానికి గురయ్యాడు హీరో విజయ్ ఆంటోనీ.
దాంతో హుటాహుటిన మలేషియాలోని ఆసుపత్రికి తరలించారు. విజయ్ ఆంటోనీ దవడ , ముక్కు భాగాలకు సర్జరీ జరిగింది. దాంతో ప్రాణాపాయం నుండి బయట పడటంతో ” నేను బాగానే ఉన్నానని ”ట్వీట్ చేసి అభిమానులకు భరోసా ఇచ్చాడు విజయ్ ఆంటోనీ. ఎందుకంటే గతకొద్ది రోజులుగా విజయ్ ఆంటోనీ ఆరోగ్యం బాగోలేదని , షూటింగ్ లో తీవ్ర గాయాలు అయ్యాయని ……. ప్రాణాపాయ స్థితిలో ఉన్నాడని పుకార్లు షికారు చేసాయి. దాంతో ఆ వార్తలకు చెక్ పెట్టడానికి నేను క్షేమంగానే ఉన్నానని ట్వీట్ చేసాడు విజయ్ ఆంటోనీ.
