మాస్ దర్శకులు వివినాయక్ ఎన్టీఆర్ ఫ్యాన్స్ కు పిచ్చ షాక్ ఇచ్చాడు. అదుర్స్ చిత్రానికి సీక్వెల్ కావాలని చాలా సంవత్సరాలుగా అడుగుతున్నారు ఎన్టీఆర్ ఫ్యాన్స్. ఇక వినాయక్ -ఎన్టీఆర్ లు కూడా చాలా సంవత్సరాలుగా ఆ సీక్వెల్ కోసం కథలు వింటూనే ఉన్నారు. అయితే వినాయక్ కు రెండు కథలు నచ్చాయట అవి ఎన్టీఆర్ కు చెబితే రిజెక్ట్ చేసాడట. దాంతో ఇక అదుర్స్ 2 లేదని కుండబద్దలు కొట్టాడు వినాయక్.
అదుర్స్ అనే సినిమా 2010 లో విడుదలై సూపర్ హిట్ అయ్యింది. ఆ చిత్రంలో ఎన్టీఆర్ ద్విపాత్రాభినయం పోషించాడు. ముఖ్యంగా బ్రాహ్మణ యువకుడిగా ఎన్టీఆర్ అభినయం నభూతో నభవిష్యత్ అనే చెప్పాలి. ఇక యాక్షన్ తో పాటుగా కావాల్సినంత ఎంటర్ టైన్ మెంట్ పుష్కలంగా ఉన్న సినిమా అదుర్స్. దాంతో ఆ సినిమాకు సీక్వెల్ చేయాలని గట్టిగానే ప్లాన్ చేసారు కానీ సరైన కథ దొరక్కపోవడంతో ఇక సీక్వెల్ ని పక్కన పెట్టినట్లు ప్రకటించాడు వినాయక్.
ఈ మాటతో ఎన్టీఆర్ ఫ్యాన్స్ బాధపడటం ఖాయం. ఎందుకంటే ఎన్టీఆర్ కు మాస్ ఇమేజ్ రావడానికి కారకులు వినాయక్. ఎన్టీఆర్ – వినాయక్ కాంబినేషన్ లో వచ్చిన మొదటి సినిమా ఆది. ఆ సినిమా ఇండస్ట్రీ రికార్డులను బద్దలుకొట్టింది. అలాగే ఎన్టీఆర్ కు ఊహించని ఇమేజ్ ని తెచ్చిపెట్టింది. దాని తర్వాత సాంబ అనే చిత్రం చేసారు. అది కూడా మంచి కథే . అయితే ఆశించిన స్థాయిలో విజయం సాధించలేదు. ఇక ఆ తర్వాత అదుర్స్ అనే చిత్రం చేసారు. అదుర్స్ సూపర్ హిట్ అయ్యింది. మూడు చిత్రాల తర్వాత మళ్ళీ ఎన్టీఆర్ – వినాయక్ ల కాంబినేషన్ లో సినిమా రాలేదు . ఈ కాంబినేషన్ లో సినిమా కోసం ఎన్టీఆర్ ఫ్యాన్స్ ఆసక్తిగా ఎదురు చూస్తున్నారు. కానీ ఇప్పట్లో వీలయ్యేలా కనిపించడం లేదు.
