జయాపజయాలతో సంబంధం లేకుండా కొత్తదనంతో సినిమాలు చేసుకుంటూపోయే హీరో నందమూరి కల్యాణ్ రామ్. చాలాకాలంగా హిట్ లేక కొట్టుమిట్టాడిన ఈ హీరో.. బింబిసార సినిమాతో మళ్లీ సక్సెస్ ట్రాక్ లోకి వచ్చాడు. ఆ సినిమా అనుకున్నదానికంటే ఎక్కువే విజయం సాధించడంతో తదుపరి మూవీలను చాలా జాగ్రత్తగా ఎంచుకుంటున్నాడు. ఈ క్రమంలో ఓ కొత్త కాన్సెప్ట్ తో అమిగోస్ అనే ఓ వైవిధ్యమైన సినిమాకు చేయగా.. అది కాస్తా నిరాశపరిచింది. అయినా ఢీలాపడకుండా నెక్స్ట్ డెవిల్ అనే ఇంట్రెస్టింగ్ ప్రాజెక్ట్ ని లైన్ లో పెట్టేసాడు.
టైటిల్ తోనే క్యూరియాసిటీ పెంచుతున్న ఈ డెవిల్ సినిమా గురించి తాజాగా ఓ ఆసక్తికర విషయం వెలుగులోకి వచ్చింది. ఈ సినిమాలో కళ్యాణ్ రామ్ ఓ సీక్రెట్ ఏజెంట్ గా కనిపిస్తాడని ఇప్పటికే ప్రచారం జరుగుతుండగా… తన క్యారెక్టర్ సంబంధించి ఇంట్రెస్టింగ్ థింగ్ బయటకు వచ్చింది. ఈ కథ సుభాష్ చంద్ర బోస్ చుట్టూ తిరుగుతుందని తెలుస్తోంది. నేతాజీ మృతి లేదా అదృశ్యానికి సంబంధించి కొన్ని అంశాలను ఇందులో ప్రస్తావించబోతున్నారని అంటున్నారు.
1945 బ్రిటిష్ కాలంలో జరిగిన రియల్ ఇన్సిడెంట్స్ ఆధారంగా ఈ కథను రెడీ చేశారట మేకర్స్. అలా బ్రిటీష్ సీక్రెట్ ఏజెంట్గా కళ్యాణ్ రామ్ కనిపించనున్నాడని, ఆయన చేసే సాహసాలు అబ్బురపరుస్తాయని చెబుతున్నారు. ఇకపోతే నేతాజీ సుభాష్ చంద్రబోస్… 18 ఆగష్టు 1945న మృతి చెందారు. అయితే ఇప్పటికీ సుభాష్ చంద్రబోస్ ఎలా మృతి చెందాడు అన్న దానిపై సస్పెన్స్ కొనసాగుతుండగా… అసలు బోస్ మరణించలేదనే వాదన కూడా ఉంది. అయితే అసలు మిస్టరీ ఏంటి..? అనే పాయింట్ ని డెవిల్ చిత్రంలో చూపిస్తారని టాక్ వినిపిస్తోంది చూడాలి మరి డెవిల్ ఏ రేంజ్ లో డేర్ చేస్తాడో..
