Baby Heroine Next Project : షార్ట్ ఫిల్మ్స్, సోషల్ మీడియా కంటెంట్ ద్వారా ఫేమస్ అయిన తెలుగు వైష్ణవి చైతన్య ‘బేబీ’ మూవీతో పూర్తి స్థాయి హీరోయిన్‌గా మారిపోయింది. ఇది ఈ సంవత్సరం (2023)లో బాక్సాఫీస్ హిట్ గా నిలిచిన సినిమా జాబితాలో చేరింది. బోల్డ్ క్యారెక్టర్‌లో తనదైన నటనతో పలువురిని ఆకట్టుకుని క్రేజ్ సంపాదించుకుంది వైష్ణవి. ఇప్పుడు, ఆమె మరో క్రేజీ ప్రాజెక్ట్‌తో మన ముందుకు రాబోతోంది. ఈ మూవీ స్టార్ ప్రొడ్యూసర్ దిల్ రాజు బ్యానర్‌లో రాబోతోంది.
దిల్ రాజు మరియు శిరీష్ తమ కెరీర్ ప్రారంభం నుంచి కొత్త టాలెంట్‌కు మద్దతిస్తూ వస్తున్నారు. పెద్ద హీరోల చిత్రాలను బ్యాంక్రోల్ చేయడంతో పాటు, న్యూ కాన్సెప్ట్‌లతో సినిమాలు చేస్తారు, ఇది ‘శ్రీ వేంకటేశ్వర క్రియేషన్స్’, ‘దిల్ రాజు ప్రొడక్షన్స్’ బ్యానర్ ను అగ్రస్థానంలో ఉండేలా చేసింది. రాజు మేనల్లుడు ఆశిష్‌రెడ్డి ‘రౌడీ బాయ్స్’తో డీసెంట్‌గా హీరోగా మారిన సంగతి తెలిసిందే. ఓ సినిమా విడుదలకు సిద్ధమవుతుండగానే కొత్త తరహా ప్రేమకథను తెరకెక్కించే ప్రయత్నం చేయబోతున్నాడు. హర్షిత్ రెడ్డి, హన్షితారెడ్డి, నాగ మల్లిడి ఈ ప్రాజెక్ట్‌ని బ్యాంక్రోల్ చేస్తున్నారు. శిరీష్ ఈ చిత్రాన్ని సమర్పిస్తున్నారు.
ఈ చిత్రంలో వైష్ణవి చైతన్య కథానాయికగా నటిస్తున్నట్లు తెలిసింది. ఈ సినిమా స్క్రిప్ట్‌లో ఏదో ప్రత్యేకత ఉందని ఇండస్ట్రీ నమ్ముతోంది. పెద్ద పెద్ద నటులను ఈ మూవీలో తీసుకోనున్నారు. ఆస్కార్ విన్నింగ్ కంపోజర్ ఎంఎం కీరవాణి ఈ ప్రాజెక్ట్‌కి పనిచేస్తుండగా లెజెండరీ పీసీ శ్రీరామ్ కెమెరా హ్యాండిల్ చేస్తున్నారు. ఆర్ట్ డిపార్ట్‌మెంట్‌ను ప్రతిభావంతులైన అవినాష్ కొల్లా నిర్వహిస్తారు. అరుణ్ భీమవరపు ఈ సినిమాతో దర్శకుడిగా పరిచయం కానున్నాడు. ఈ ప్రాజెక్ట్‌కి సంబంధించిన మరిన్ని వివరాలు త్వరలో బయటకు రానున్నాయి.
