Pushpa The Rule shooting : అల్లు అర్జున్-సుకుమార్ దర్శకత్వంలో వస్తున్న ‘పుష్ప: ది రూల్’ రిలీజ్ డేట్ మేకర్స్ ఇప్పటికే అధికారికంగా అనైన్స్ చేశారు. దీనికి సంబంధించిన పోస్టర్ కూడా రిలీజ్ చేశారు. ‘పుష్ప: ది రైజింగ్’ భారీ హిట్ అవడంతో దీనిపై భారీగా అంచనాలు ఉన్నాయి.
పుష్ప1లో అల్లు అర్జున్ నటనకు సంబంధించి జాతీయ ఉత్తమ నటుడి అవార్డు వరించడంతో పుష్ప2పై సుకుమార్ మరింత కేర్ తీసుకున్నారు. షూటింగ్ వేగంగా కొనసాగిస్తున్నారు. భారీ షాట్ల విషయంలో మేకర్స్ అస్సలు కాంప్రమైజ్ కావడం లేదు. ఇప్పటికి 40 శాతం షూటింగ్ పూర్తయిందని చెప్తున్నారు మేకర్స్. అయితే, ఈ సంవత్సరం పూర్తయ్యేప్పటికి షూటింగ్ పార్ట్ మొత్తం కంప్లీట్ చేయాలని సుకుమార్ అనుకుంటున్నారట. ఆ విధంగా షెడ్యూల్ పెట్టుకున్నారట.
ఇక కొత్త సంవత్సరం 2024లో ప్రీ ప్రొడక్షన్ పనులు పూర్తి చేసి ఆగస్ట్ నాటికి రిలీజ్ చేయాలని లక్ష్యంగా పెట్టుకున్నారు. పుష్ప1 పాన్ ఇండియాలో బాగానే ఆడినా రష్యాలో మాత్రం ఆడలేదు. పైగా నెగెటివ్ టాక్ కూడా వచ్చింది. ఈ నేపథ్యంలో మరింత జాగ్రత్తగా తీయాలని సుకుమార్ షూటింగ్ లేట్ చేస్తున్నట్లు ఇండస్ట్రీ నుంచి టాక్ వినిపిస్తుంది.
అయితే రిలీజ్ డేట్ ప్రకటించారు కానీ.. లక్ష్యం మేరకు పూర్తవుతుందా? అన్న అనుమానాలు ఇప్పుడు మేకర్స్ కు కలుగుతున్నాయి. అన్ని డిపార్ట్‌మెంట్లు మరింత ఫోకస్ పెడితే అవ్వచ్చని చెప్తున్నా.. షూటింగ్ కే ఎక్కువ సమయం పట్టేలా కనిపిస్తుంది. ఇక జాతీయ అవార్డు అందుకున్న అల్లు అర్జున్ కూడా మరింత జాగ్రత్తగా తీయాలని సుకుమార్ కు సూచిస్తున్నారట. ఇవన్నీ కలిసి ప్రకటించిన డేట్ వరకు రిలీజ్ చేస్తారా? అన్నది డౌట్ గానే ఉంది.
