Chicken : కొంతమంది చికెన్ ఉంటే కడుపునిండా తింటారు. చికెన్ ను ఎక్కువ మోతాదులో తినడం వల్ల సైడ్ ఎఫెక్ట్స్ వస్తాయని నిపుణులు హెచ్చరిస్తున్నారు. వారానికి రెండు, మూడు సార్లు తింటే ఫర్వాలేదు కానీ, వారంలో 4 సార్ల కంటే ఎక్కువ తినేవారికి ఖచ్చితంగా అనారోగ్య సమస్యలు తప్పవని చెప్తున్నారు. సమ్మర్ లో చికెన్ ను అతిగా తినకూడదని నిపుణులు చెబుతున్నారు.
ప్యాకెట్లలో లభించే ప్రాసెస్డ్ చికెన్ కంటే మనం తెచ్చుకుని వండుకుంటే మేలని, రోజుకు 170 గ్రాములకు మించి తినకూడదని అంటున్నారు. అంతకంటే ఎక్కువ తింటే ఫుడ్ పాయిజనింగ్, డయేరియా, ఇంకా క్యాన్సర్ వంటి ప్రాణాంతక రోగాలు వచ్చే ప్రమాదం ఉందని హెచ్చరిస్తున్నారు.
రోజూ చికెన్ తినడం వల్ల శరీర ఉష్ణోగ్రత పెరుగుతుంది. ఒంట్లో హీట్ ఎక్కువై తలనొప్పి, కళ్లమంటలు, బీపీ, డీహైడ్రేషన్, కండరాల నొప్పులు వంటి సమస్యలు వచ్చే అవకాశం ఉంది. వారానికి ఒకసారి చికెన్ తింటే మంచిదని సూచిస్తున్నారు.