Jagan Viral Video : ప్రపంచంలో ఏ రాజకీయ నాయకుడికి లేని హావాభావాలు మన జగన్ రెడ్డి సొంతం. గతంలో ఓదార్పు యాత్రలో ప్రారంభమైన ఆయన కౌగిలింతలు, ముద్దులు, ఓదార్పులు, దీవెనలు..ఇంకా 2024 ఎన్నికల నాటికి కూడా పూర్తి కాలేదు. అసలు జగన్ మాటతీరు, ప్రవర్తించే తీరు ఏ నాయకుడికి లేదంటే నమ్మండి. చెప్పిన విషయాన్నే మళ్లీ మళ్లీ చెప్పడం ఆయనకే సొంతం. ఒకరి వ్యక్తిగత జీవితాన్ని పదే పదే వల్లె వేయడం ఆయనకే చెల్లు.. ఆడవారంటే గౌరవం లేకుండా మాట్లాడడం ఆయనకే దక్కింది. ఇలా డిఫరెంట్ మాటతీరు, హావాభావాలు, ప్రవర్తనలో అగ్రస్థానంలో ఉంటారు సీఎం జగన్ రెడ్డి..
జగన్ జనాల్లోకి వెళ్తున్నారంటే చాలు పెయిడ్ ఆర్టిస్టులను సిద్ధం చేస్తుంటారు. ఆయన వెళ్లడమే తరువాయి మహిళలు వచ్చి జగన్ కు కష్టాలు చెప్పుకున్నట్టు లేదంటే తమ కష్టాలను జగన్ రెడ్డే తీర్చినట్టు చెప్తూ జగన్ రెడ్డిని గట్టిగా కౌగిలించుకోవడం కాదు కొందరు వాటేసుకుని ముద్దు పెట్టుకుంటారు. ఇవన్నీ స్క్రిప్టెడ్ అని అంటుంటాయి ప్రతిపక్షాలు. స్క్రిప్ట్ అయినా రియల్ అయినా ఏంటండి ఈ బహిరంగంగా కౌగిలింతలు, ముద్దులు అంటారు మహిళోద్ధారకులు.
తాజాగా సోషల్ మీడియాలో వైరల్ అవుతున్న ఓ వీడియో చూస్తే మీకే అర్థమవుతుంది. సభలో ఓ మహిళ హఠాత్తుగా వచ్చి జగన్ రెడ్డిని గట్టిగా కౌగిలించుకోవడం, ఆమె నుదిటిని జగన్ రెడ్డి నిమరడం చూస్తే.. ఏంట్రా బాబూ ఎక్కడ నుంచి పట్టుకొస్తారా ఇలాంటి ఆర్టిస్టులని..అని అందరూ అనుకోవడం ఖాయం. ఇంకా కామెడీ ఏంటంటే ఈ వీడియోకు ఓ సినిమాలో రాజకీయ నాయకుడి పాత్రలో బ్రహ్మనందం ఓ ఘటన దగ్గరకు వెళ్తే అక్కడ ఓ మహిళ గట్టిగా అరుచుకుంటూ బ్రహ్మిని గట్టిగా వాటేసుంటు ఉంటుంది. ఆ సీన్ ను మనం తెగ ఎంజాయ్ చేస్తాం. ఇక ఈ వీడియోను జగన్ రెడ్డి వీడియోకు జత చేశారు. ఇక నవ్వులే నవ్వులు.