Viral Video : పెళ్లి అర్థాలు, వేడకల తీరు పూర్తిగా మారిపోయింది. దీంతో వధువు, వరుడిలో ఒకరిపై ఒకిరికి గౌరవం కూడా తగ్గుతోంది. హిందూ వివాహ వ్యవస్థలో వరుడిని నారాయణుడిగా.. వధువును లక్ష్మి స్వరూపంతో కొలుస్తారు. నారాయణుడి కాళ్లు కడిగి అమ్మవారిని వరుడికి ఇచ్చి కల్యాణం చేశాం అని చెప్పుకునేవారు. వరుడు కూడా కొన్ని సంవత్సరాలు పెద్ద వాడిని కట్టబెట్టేవారు. దీంతో సాధారణంగా.. గౌరవం, మర్యాద ఉండేవి.
అయితే, వివాహం అనేది తెగలు.. మతాలు.. కులాలకు తగ్గట్లుగా వివిధ విధాల నిర్వహిస్తారు. పెళ్లిలో జరిగే సీన్స్ కొన్ని కొన్ని సార్లు సోషల్ మీడియాలో తెగ వైరల్ అవుతాయి. అలానే.. ఇక్కడ ఓ వీడియో వైరల్ అవుతోంది. ఇక్కడ వధువు ప్రవర్తించిన తీరు విచిత్రంగా ఉంది.
సాధారణంగా పెళ్లి వేడుకలో వధువుకు సొగసు, సిగ్గు, బిడియం ఉంటాయి. కానీ ఇక్కడ అవేమీ కనిపించలేదు. రిషిప్సన్ స్టేజీపై వధువు కాళికాదేవి రూపంగా కనిపించింది. కారణం కూడా చాలా చిన్నది. ఇది చూసిన నెటిజన్లు భిన్నంగా రియాక్ట్ అవుతున్నారు. కొందరు అయితే ఫేమస్ మూవీలోని స్టెప్పులను కామెంట్లుగా పెడుతున్నారు.
Muh me Rasgulla daala to ladki ko itna gussa aa gaya,
just imagine ke 😮😲
चलो छोड़ो 🫣🤭🤐 pic.twitter.com/ONniSS9DCe— HasnaZarooriHai🇮🇳 (@HasnaZaruriHai) April 29, 2024
అసలు ఏం జరిగిందంటే?
రిషిప్సన్ స్టేజీపైకి బంధువులు రెండు రసగుళ్లాలను తీసుకువచ్చారు. ఒకరి నోట్లో మరొకరు పెట్టుకోవాలి అంటూ చెప్పారు. మొదట వధువు వరుడికి తినిపించింది. ఆయన ఇష్టంగా తిన్నాడు. సిగ్గు పడుతూ మారీ తిన్నాడు. దీని తర్వాత వరుడు వధువుకు పెట్టేందుకు ప్రయత్నించాడు.
వరుడు తినిపిస్తుంటే వధువు నో చెప్పింది. కానీ వరుడు మాత్రం వినలేదు.
రసగుల్లాను ఆమె నోటిలో కుక్కేందుకు ప్రయత్నించాడు. దీంతో కోపంతో వధువు వరుడిని ఒక్క తోపు తోసింది.. కల్యాణ మండపంలోనే వరుడిని కొడుతూ, కాళ్లతో తన్నుతూ తిట్ల దండకం మొదలుపెట్టింది. బంధువులు, వధూవరుల తల్లిదండ్రులు ఈ తతంగాన్ని చూసి నివ్వెరపోయారు. ఆమెను ఆపే ప్రయత్నం చేసినా ఆగలేదు. ఈ వీడియో నట్టింట వైరల్ అవుతోంది.
ఈ వీడియోకు నెటిజన్లు తీవ్రమైన రియాక్షన్స్ ఇస్తున్నారు. చాలా మంది స్మైలీ ఎమోజీలను పోస్ట్ చేశారు. కొందరు పాపం.. అంటూ వరుడి పరిస్థితిపై జాలి పడుతున్నారు. వధువు ప్రవర్తనపై తీవ్ర స్థాయిలో విమర్శలు గుప్పిస్తున్నారు.