Snake Viral Video :పాములకు గుడ్లంటే మహా ఇష్టం. వాటిని చూస్తే గుటకేయాలని చూస్తుంది. ఇంకేముంది దానికో బిర్యాణీ దొరికినట్లు అయింది. ఓ కోళ్లఫారంలో దూరింది. దాదాపు పన్నెండు గుడ్లు మింగేసింది. అడ్డు వచ్చిన కోళ్లను మట్టుబెట్టింది. తన కోరలతో కాటు వేయడంతో విషంతో అవి కూడా చనిపోయాయి. యజమాని వచ్చి చూసే సరికి కోళ్లు చనిపోయి ఉండటం చూసి కంగుతిన్నాడు. ఏమై ఉంటుందని ఆలోచించాడు.
పరిస్థితిని గమనించి ఇక్కడకు వచ్చిందని నిర్ధారణకు వచ్చాడు. దీంతో వెంటనే పాములు పట్టే వాడికి సమాచారం ఇచ్చాడు. అతడు వచ్చి పామును పట్టి అడవిలోకి పంపించారు. జరిగిన నష్టంపై యజమాని బాధపడినా పాము గొడవ తప్పినందుకు సంతోషించాడు. వివరాల్లోకి వెళితే రాజన్న సిరిసిల్ల జిల్లా ఎల్లారెడ్డి పేట మండలంలోని రాగట్లపల్లికి చెందిన చెరుకు సురేష్ ఓ కోళ్లఫారం నిర్వహిస్తున్నాడు.
దీంతో పాము అందులోకి దూరడంతో భయాందోళన వ్యక్తం చేశాడు. పామును బయటకు పంపించేందుకు పాములు పట్టేవాడిని తీసుకొచ్చి దాన్ని అడవిలో వదిలిపెట్టాడు. అది తిన్న గుడ్లను అలాగే కక్కింది. దీంతో అందరు అవాక్కయ్యారు. పాములకు కూడా అజీర్తి చేస్తుందా? అని ఆలోచనలో పడిపోయారు. పాము ఎందుకు గుడ్లు కక్కింది.
పాము మూడు కోళ్లను చంపింది. గుడ్లు తిన్నది. కానీ వాటిని అలాగే బయటకు కక్కింది. ఈ క్రమంలో పాము గుడ్లను ఎందుకు కక్కిందో తెలియడం లేదు. కానీ పాములు గుడ్లను మింగుతాయి కానీ కక్కుతాయా? అని ఆశ్చర్యపోతున్నారు. దీంతో పాము గుడ్లను తిని అలాగే కక్కడమే చర్చనీయాంశం అయింది. దీనిపై స్థానికులు అనుమానం వ్యక్తం చేస్తున్నారు.
