Indian-2 : విశ్వనటుడు కమల్ హాసన్ ప్రధాన పాత్రలో నటించిన లేటెస్ట్ మూవీ ‘ఇండియన్-2’ విడుదలకు సిద్ధమైంది. ఈ సినిమాను కోలీవుడ్ స్టార్ డైరెక్టర్ శంకర్ తెరకెక్కించారు. ఈ చిత్రాన్ని జూన్ 13న విడుదల చేసేందుకు నిర్ణయించినట్లు సమాచారం. అలాగే మే 16న ప్రీ రిలీజ్ ఫంక్షన్ నిర్వహించనున్నట్లు తెలుస్తోంది.
గతంలో వచ్చిన మూవీ ‘ఇండియన్’కు సీక్వెల్ గా ఈ చిత్రం తెరకెక్కుతోంది. ఈ సినిమాలో సిద్దార్థ్, రకుల్ ప్రీత్ సింగ్, కాజల్ ప్రధాన పాత్రలలో నటిస్తున్నారు. ఇంకా ఈ సినిమాలో ఎస్ జే సూర్య, బాబీ సింహా, మధుబాల, ప్రయాభవానీ శంకర్ తదితరులు ముఖ్య పాత్రల్లో నటిస్తున్నారు. ఈ చిత్రానికి అనిరుధ్ రవిచంద్ర మ్యూజిక్ అందిస్తున్నారు.
తెలుగు, తమిళం, మలయాళం, హిందీ, కన్నడ భాషల్లో రూపుదిద్దుకుంటున్న సినిమాపై భారీ అంచనాలున్నాయి. అలాగే ‘ఇండియన్-2’ ఫస్ట్ లుక్ పోస్టర్స్ కూడా సినిమాపై విపరీతంగా క్రేజ్ పెంచేసాయి. మే 16న చెన్నైలోని నెహ్రూ స్టేడియంలో ‘ఇండివియన్-2’ ఆడియో లాంచ్ నిర్వహించేందుకు సన్నాహాలు జరుగుతున్నట్లు తెలుస్తోంది.