డార్లింగ్ ప్రభాస్ నటించిన ఆదిపురుష్ పై మరోసారి ట్రోలింగ్ మొదలైంది. ఈరోజు శ్రీరామనవమి కావడంతో ఆ సందర్భాన్ని పురస్కరించుకొని ఆదిపురుష్ చిత్రం నుండి అప్ డేట్ ఇచ్చారు మేకర్స్. ఆదిపురుష్ పోస్టర్ రిలీజ్ చేసారు. అయితే ఈ పోస్టర్ పై కూడా ట్రోలింగ్ మొదలైంది. ఈ పోస్టర్ ఏంట్రా బాబూ ! దీనికంటే ఫ్యాన్ మేడ్ పోస్టర్ లు చాలా బాగున్నాయి …… ఈ సినిమాను థియేటర్ లలో రిలీజ్ చేయడం కంటే ఓటీటీ లో విడుదల చేయడం బెటర్ అంటూ ఉచిత సలహాలు ఇస్తున్నారు నెటిజన్లు.
అంతేకాదు సీతమ్మ పాత్రలో నటించిన కృతి సనన్ ఆమె చెలికత్తెలా ఉంది నుదుటన సింధూరం ఏది ? కాళ్లకు మెట్టెలు ఏవి ? మేడలో మంగళ సూత్రం ఏది ? అంటూ ప్రశ్నల వర్షం కురిపిస్తున్నారు. పెద్ద ఎత్తున మీమ్స్ క్రియేట్ చేసారు. అవి సోషల్ మీడియాలో వైరల్ గా మారాయి.
గతంలో కూడా ఆదిపురుష్ పై పెద్ద ఎత్తున ట్రోలింగ్ జరిగింది. దాంతో సినిమాను వాయిదా వేశారు. వాయిదా వేసి ప్రయోజనం లేదని తాజా పోస్టర్ తో అర్థమైపోయింది. ప్రభాస్ అభిమానులు అయితే ఆదిపురుష్ చిత్రం పై పెద్దగా ఆశలు పెట్టుకోలేదు. ఏ దశలో కూడా ఆశాజనకంగా లేకపోవడంతో సైలెంట్ అయ్యారు. ఆదిపురుష్ చిత్రం జూన్ 16 న ప్రపంచ వ్యాప్తంగా భారీ ఎత్తున విడుదల కానుంది.
