Donald Trump : అమెరికా మాజీ అధ్యక్షుడు డోనాల్డ్ ట్రంప్ ను పోలీసులు అదుపులోకి తీసుకున్నారు. 2020 ఎన్నికలకు సంబంధించి ఫలితాల్లో జోక్యం, కుట్ర తదితర కేసుల కింద ఆయనపై కేసులు నమోదయ్యాయి. దీంతో ఆయన పోలీసుల ఎదుట లొంగిపోవాల్సి వచ్చింది. జార్జీయా రాకేటిరింగ్ కేసులో ఆయన జార్జియా పోలీసులకు సరెండర్ అయ్యారు.
అయితే గతంలోనూ ట్రంప్ పై వివిధ కేసులు నమోదయ్యాయి. ఇప్పటికే ఆయన స్వయంగా పుల్టన్ కౌంటీ జైలుకు వెళ్లి లొంగిపోయాడు. ఆ తర్వాత 2 లక్షల డాలర్ల బాండ్ ను సమర్పించి బెయిల్ తీసుకునేందుకు అట్లాంటా పుల్టన్ కౌంటీ డిస్ర్టిక్ట్ అటార్ని అనుమతించారు. దీంతో ఈ ప్రక్రియ పూర్తి చేసేందుకు ట్రంప్ జైలుకు వెళ్లారు. ట్రంప్ పై నమోదైన నాలుగు క్రిమినల్ కేసుల్లో ఇదొకటి. అయితే డొనాల్డ్ ట్రంప్ జైలులో 20 నిమిషాలు ఉన్న తర్వాత విడుదల అయ్యాడు. ఆ తర్వాత ఆయనకు బెయిల్ దొరికింది. అయితే తాను ఏ తప్పు చేయలేదని ట్రంప్ చెబుతున్నారు. కానీ అమెరికా చట్టాల ప్రకారం నేరారోపణలు ఉన్న వ్యక్తి ముందుగా లొంగిపోవాల్సి ఉంటుంది. దీనిని కూడా అరెస్ట్ గానే పరిగణిస్తారు.
అయితే మరోసారి ఎన్నికల బరిలో నిలవాలని అనుకుంటున్న ట్రంప్ ఇలా కేసుల పాలవడం చర్చనీయంశంగా మారింది. ఇది ఎన్నికల్లో ప్రభావం చూపుతుందని రాజకీయ విశ్లేషకులు భావిస్తున్నారు. అయితే ఇవేమి ట్రంప్ పట్టించుకోవడం లేదు. తన పని తాను కానిచ్చేస్తున్నారు. వచ్చే ఎన్నికల్లో గెలుపు తనదే అనే ధీమా వ్యక్తం చేస్తున్నారు. ప్రజలంతా తనకు మద్దతునిస్తున్నారని తెలిపారు.
