Jagapathi Babu :
జగపతిబాబు గురించి ప్రత్యేకంగా పరిచయం అవసరం లేదు. ఆయన గతంలో హీరోగా ఎంతో క్రేజ్ ను సంపాదించుకున్నారు. అయితే సెకండ్ ఇన్నింగ్స్ లో మాత్రం విలన్ పాత్రల్లో భయపెట్టేస్తున్నారు. అంతే కాకుండా హీరోలకు నాన్నల పాత్రలు బాగా చేస్తున్నారు ఆయన. ఈ క్రమంలోనే ఆయన తాజాగా ఓ ఇంటర్వ్యూలో పాల్గొన్నారు.
ఇందులో ఆయనపై గతంలో సౌందర్యతో ఎఫైర్ అంటూ వచ్చిన వార్తలపై యాంకర్ ప్రశ్నించింది. దానికి జగపతి బాబు స్పందిస్తూ.. నేను ఎవరితోనూ ఎఫైర్ పెట్టుకోలేదు. కానీ ఓసారి మా నాన్న వారసుడు కావాలంటూ పట్టుబట్టారు. వారసుడు ఉంటేనే మన వంశం నిలబడుతుందని ఆయన కోరిక. కానీ నేను అందుకు ఒప్పుకోలేదు. అప్పటికే నాకు కూతుర్లు ఉన్నారు.
ఇంట్లో భార్యతో అయితే కుదరదు గానీ.. బయట వేరే అమ్మాయితో చేస్తానని సరదాగా చెప్పాను. కానీ ఓ పూజారి దాన్ని సీరియస్ గా తీసుకుని ఓ హీరోయిన్ మీతో కలవడానికి రెడీగా ఉంది సార్ అంటూ చెప్పాడు దాంతో చాలా సీరియస్ అయ్యాను. అంతే తప్ప ఎలాంటి ఎఫైర్లు నాకు లేవు. అప్పట్లో సౌందర్యతో నాకు పెళ్లి అంటూ కొందరు అన్నారు.
వార్తలు కూడా రాశారు. కానీ అందులో ఎలాటి నిజం లేదు. ఆ పత్రికల యజమానులకు నేను కంప్లయింట్ కూడా చేయడంతో.. ఆ వార్తలు రాసిన విలేకరుల మీద చర్యలు తీసుకున్నారు. సౌందర్య నాకు చాలామంచి స్నేహితురాలు. ఆమెతో సినిమాల్లో పని చేయడం నాకు చాలా సంతోషంగా ఉంటుంది అంటూ చెప్పుకొచ్చాడు జగపతి బాబు.
