DIG Ammireddy : ఎన్నికల వేళ పలువురు పోలీసు అధికారులను ఎన్నికల సంఘం బదిలీ చేస్తోంది. తాజాగా అనంతపురం రేంజ్ డీఐజీ ఆర్ఎస్ అమ్మిరెడ్డిపై ఈసీ బదిలీ వేటు వేసింది. కిందిస్థాయి అధికారికి బాధ్యతలను అప్పగించి వెంటనే రిలీవ్ కావాలని ఆదేశించింది. ఈ మేరకు సీఎస్ జవహర్ రెడ్డికి ఉత్తర్వులు జారీ చేసింది. అమ్మిరెడ్డికి ఎలాంటి ఎన్నికలకు సంబంధించిన విధులు అప్పగించవద్దని ఆదేశించింది. ఈరోజు రాత్రి 8 గంటల లోపు ముగ్గురు అధికారుల పేర్లతో లిస్ట పంపాలని ఆదేశాలిచ్చింది.
డీఐజీ అమ్మిరెడ్డి అధికార వైసీపీకి సహకరిస్తున్నారని విపక్ష కూటమి నేతలు ఈసీకి ఫిర్యాదు చేశారు. దీనికి సంబంధించిన ఆధారాలను కూడా చూపారు. ఈ నేపథ్యంలో ఈసీ చర్యలు తీసుకుంది. ఇప్పటవికే అనంతపురం జిల్లా ఎస్పీ అన్బురాజన్ ను ఈసీ బదిలీ చేసి ఆయన స్థానంలో అమిత్ బర్డర్ ను నియమించింది.
