Rajamouli and Prabhas combo :
రాజమౌళి ప్రభాస్ కాంబో వరల్డ్ వైడ్ గా బిగ్ హిట్ ఇచ్చింది. వీరి కాంబోలో వచ్చిన సినిమా బాహుబలి. ఇదొక్కొటే కాదు. ఈ సినిమా కంటే ముందు కూడా ఒక సినిమా వచ్చింది. అదే ‘ఛత్రపతి’. ఈ సినిమా పాన్ వరల్డ్ రేంజ్ కాకపోయినప్పటికీ రెండు తెలుగు రాష్ట్రాలను మాత్రం షేక్ చేసిందనే చెప్పాలి. తర్వాత కొంత కాలానికి రీ రిలీజ్ కూడా చేయాలని చాలా డిమాండ్లు వినిపించాయి. ఇప్పటికిప్పుడు టీవీలో ఈ మూవీ టెలీకాస్ట్ అవుతుందంటే చాలు చాలా మంది టీవీలకు అతుక్కుపోతారు. అంత బిక్ హిట్ చిత్రం ఇది.
ఇక దీని తర్వాత వీరి కాంబోలోనే వచ్చిన బాహుబలి: ది బిగినింగ్, బాహుబలి: ది కన్ క్ల్యూజన్. ఈ రెండు పార్టులు కూడా ఊహించనంత రేంజ్ లో ఇండస్ట్రీలను ఊపివేశాయి. పాన్ ఇండియా నుంచి పాన్ వరల్డ్ కు కూడా పాకింది. ప్రభాస్ కు మాస్ ఫాలోవర్స్ తో పాటు క్లాస్ ఫాలోవర్స్ ను కూడా తెచ్చిపెట్టింది బాహుబలినే. అయితే, బాహుబలి, ఛత్రపతి సినిమాల కంటే ముందే వీరి కాంబోలో ఓ సినిమా రావాల్సి ఉంది. ఆ సినిమా పేరేంటో తెలుసా.. స్టూడెంట్ నెంబర్ 1.
స్టూడెంట్ నెంబర్ 1లో జూనియర్ ఎన్టీఆర్ హీరోగా చేశారు. అయితే ఈ సినిమా ప్రభాస్ తో తీయాలనుకున్నారట. ఈ కథను కూడా రాజమౌళి ఆయనకోసమే సిద్ధం చేశారట. అయితే అప్పుడప్పుడే హీరోగా రావాలనుకున్న నటుడు ఎన్టీఆర్. ఇంకా ఇండస్ట్రీలోకి ప్రభాస్ రాకున్నా. నందమూరి ఇమేజ్ బాగా ఉండడంతో ఎన్టీఆర్ ను హీరోగా ఇంట్రడ్యూస్ చేస్తే బాగుంటుందని భావించాడట రాజమౌళి. అందుకే ఎన్టీఆర్ ను ఓకే చేశాడు. ఇందులో ఎన్టీఆర్ పక్కన గజాల హీరోయిన్ గా చేసింది. రాజమౌళి అనుకున్న ఈక్వేషన్స్ కరెక్ట్ అయితే ప్రభాస్ స్టూడెంట్ నెం. 1లో హీరోగా వచ్చేవాడట.
