CSK Vs PBSK : చెన్నై సూపర్ కింగ్స్, పంజాబ్ కింగ్స్ మధ్య చెపాక్ స్టేడియంలో జరిగిన మ్యాచ్ లో పంజాబ్ అదరగొట్టింది. బ్యాటింగ్, బౌలింగ్ లో విఫలమైన చెన్నై మ్యాచ్ ను ఈజీగా పంజాబ్ కు అప్పగించేసింది. 20 ఓవర్లకు చెన్నై 162 పరుగులు చేయగా.. అందులో పంజాబ్ బౌలర్లు ఎక్స్ ట్రా రూపంలో 18 పరుగులు ఇచ్చారు. పంజాబ్ స్పిన్నర్లు రాహుల్ చాహర్, హర్ ప్రీత్ బ్రార్ ఇద్దరు నాలుగు ఓవర్ల చొప్పున వేసి చెరో రెండు వికెట్లు తీశారు. వీరిద్దరూ వేసిన 8 ఓవర్లలో కేవలం 33 పరుగులు మాత్రమే ఇవ్వడంతో పిచ్ స్పిన్ కు అనుకూలిస్తుందని అర్థమైపోయింది.
చెన్నై బ్యాటర్లలో రుతురాజ్ గైక్వాడ్ ఒక్కడే హాప్ సెంచరీ చేశాడు. 48 బంతుల్లో 5 ఫోర్లు, 2 సిక్సులతో 62 పరుగులు చేసి జట్టుకు గౌరవప్రద స్కోరు అందించడంలో సక్సెస్ అయ్యాడు. కానీ శివమ్ దూబె డకౌట్, జడేజా 4 పరుగుల కే వెనుదిరగడంలో చెన్నై తక్కువ పరుగులకే పరిమితం కావాల్సి వచ్చింది.
అనంతరం చేజింగ్ కు దిగిన పంజాబ్ కు జానీ బెయిర్ స్టో, ప్రభుసిమ్రన్ మంచి ఆరంభమే ఇచ్చారు. 19 పరుగుల వద్ద ప్రభు సిమ్రన్ అవుట్ అయినా.. జానీ బెయిర్ స్టో రాణించాడు. 30 బంతుల్లో 7 ఫోర్లు, ఒక సిక్సర్ సాయంతో 46 పరుగులు చేశాడు. ర్యాలీ రోసో కూడా 23 బంతుల్లోనే 5 ఫోర్లు రెండు సిక్సులతో 43 పరుగులు చేసి జట్టు విజయం లో కీలక పాత్ర పోషించాడు.
చివర్లో నిలకడగా ఆడిన శశాంక్ సింగ్ (25) సామ్ కర్రన్ లు (26) పరుగులతో మిగతా పనిని పూర్తి చేసి పంజాబ్ కు ఈ సీజన్ లో నాలుగో విజయాన్ని అందించాడు. దోని ఇప్పటి వరకు ఈ సీజన్ లో అవుట్ కాకపోగా.. ఈ మ్యాచ్ లో మొదటి ఇన్సింగ్స్ చివరి బంతికి రనౌట్ రూపంలో వెనుదిరిగాడు. పంజాబ్ దీంతో పది మ్యాచ్ లు ఆడి నాలుగు పాయింట్లలో 7 వ స్థానంలో ఉండగా.. చెన్నై నాలుగో స్థానానికి పడిపోయింది.
