Chandrayaan-3 : భారత అంతరిక్ష పరిశోధన సంస్థ ఇస్రో రూపొందించిన చంద్రయాన్ -3 విజయవంతంతో ఎన్నో మైలురాళ్లు దాటింది. స్వదేశీ పరిజ్ణానంతో నిర్మించిన చంద్రయాన్ -3 బడ్జెట్ కూడా తక్కువే. గతంలో ప్రభాస్ హీరోగా నిర్మించిన ఆదిపురుష్ కంటే తక్కువే అంటే ఆశ్చర్యకరమే. ఆదిపురుష్ దాదాపు రూ. 700 కోట్లు ఖర్చు చేసినట్లు వ్యాపార వర్గాలు తెలిపాయి. అదే చంద్రయాన్ -3 కోసం ఇస్రో రూ.615 కోట్లు ఖర్చు చేయడం గమనార్హం. ఇలా మన వ్యాపారం మనకు లాభాలే తెస్తోంది.
ఇటీవల వస్తున్న హాలీవుడ్ సినిమాలు సైతం మన చంద్రయాన్ -3 కంటే ఎక్కువ బడ్జెట్ ఖర్చు చేస్తున్నట్లు తెలుస్తోంది. తాజాగా నిర్మించిన బార్బీ సినిమా కోసం రూ. 1197 కోట్లు ఖర్చు చేశారు. ఓపెన్ హైమర్ కోసం రూ. 625 కోట్లు పెట్టారు. ఇవి చంద్రయాన్ -3 కంటే ఎక్కువే. అణుబాంబు కనుగొన్న శాస్త్రవేత్త జీవితం ఆధారంగా ఈ సినిమా నిర్మించారు దర్శకుడు క్రిస్టఫర్ నోలన్. పదేళ్ల కిందటే ఇంటర్ స్టెల్లార్ పేరుతో అంతరిక్ష విశేషాలతో రూపొందించిన సినిమా వ్యయం రూ.1362 కోట్లు.
ఇలా ఈ సినిమాల నిర్మాణ వ్యయం చూస్తుంటే చంద్రయాన్ -3 కంటే అత్యధిక రెట్లు కావడం విశేషం. 2015లో వచ్చిన అంతరిక్ష ప్రయాణ ప్రభావిత హాలీవుడ్ చిత్రం ది మాషన్ వ్యయం కూడా రూ. 875 కోట్లు అంటే చంద్రయాన్ -3 వ్యయం ఎంత తక్కువో తెలుస్తూనే ఉంది. ఇలా మన అంతరిక్ష సంస్థ చేస్తున్న పని వల్ల మన దేశానికి ఎంతో పేరు వచ్చింది.
మన సినిమాల వ్యయం ఇంతలా పెరిగిపోయింది. కానీ అవి సక్సెస్ కాకపోతే భారీ నష్టం సంభవిస్తుంది. ఇప్పుడు చంద్రయాన్ -3 విజయవంతంతో మన కష్టం అంతా మరచిపోయాం. కానీ ఆదిపురుష్ నష్టం ఆ నిర్మాతకు కన్నీరే మిగిల్చింది. ఈ నేపథ్యంలో మన సినిమాల కన్నా మన ఇస్రో పనితనమే బెటర్ అనే వాదనలు వస్తున్నాయి. ఈ క్రమంలో మన బడ్జెట్ మనకు ఎంత ప్రఖ్యాతులు తీసుకువచ్చిందో తెలుస్తూనే ఉంది.