Telangana Voter List :
తెలంగాణలో ఎన్నికల షెడ్యూల్ రిలీజైంది. ఢిల్లీ వేధికగా సమావేశం నిర్వహించిన ఎలక్షన్ కమిషన్ ఈ రోజు (అక్టోబర్ 09) అధికారింగా అనౌన్స్ చేసింది. దీంతో రాష్ట్రంలో ఎన్నికల వేడి మరింత రాజుకుంది. ఎన్నికలను పకడ్బందీగా నిర్వహించాలని అధికారులు పూర్తి సన్నాహాలు చేస్తున్నారు. ఈ రోజు నుంచి కోడ్ అమల్లో ఉంటుందని ప్రకటించిన అధికారులు మూడు నాలుగు రోజుల కిందనే ఆయా రాష్ట్రాల్లో ఓటరు జాబితాను ప్రకటించారు.
మూడు రోజుల క్రితం (శుక్రవారం-అక్టోబర్ 6) ఎన్నికల ప్రధాన పరిశీలకులు రాష్ట్రానికి వచ్చారు. ఎలక్షన్ కు సంబంధించి పూర్తి డేటాను తీసుకున్నారు. దీంతో పాటు ఆయా విభాగాల అధికారులతో మాట్లాడారు. అనుకున్న సమయానికి ఎన్నికలు నిర్వహించడంలో సాధ్యా, సాధ్యాలపై విస్తృతంగా చర్చించారు. దీంతో పాటు ఓటరు జాబితాను కూడా విడుదల చేశారు. తెలంగాణ ఓటరు జాబితాను ఎన్నికలు జరిగే మిగతా నాలుగు రాష్ట్రాలతో పోలిస్తే నాలుగో స్థానంలో ఉంది.
గత జాబితా నుంచి 6,10,694 ఓట్లను తొలగించగా తెలంగాణ మొత్తం ఓటర్లు 3,17,17,389 మంది ఉన్నట్లు ఈసీ ప్రకటించింది. అందులో కొత్త ఓటర్లు 17,01,087 మంది. ఇక స్త్రీ, పురుష నిష్పత్తి 998 గా ఉంది. 18-19 సంవత్సరాల వయస్సు ఉన్న ఓటర్లు 3,35,043, దివ్యాంగులు 5.06 లక్షలు, 80 సంవత్సరాలు పైబడిన వారు 4.44 లక్షలు, ఇక 100 సంవత్సరాలు పైబడిన వారు 7005 మంది ఉన్నట్లు ఈసీ పేర్కొంది.