Kushi movie vijay devarakonda : విజయ్ దేవరకొండ, సమంత జంటగా నటించిన సినిమా ఖుషి. దర్శకుడు శివ నిర్వాణ దర్శకత్వంలో మైత్రి మూవీ మేకర్స్ బ్యానర్ పై పాన్ ఇండియా స్థాయిలో నిర్మించిన సినిమా. జయరాం, సచిన్ ఖేడకర్, మురళీ శర్మ, లక్ష్మీ, అలీ, రోహిణి, వెన్నెల కిషోర్ తదితరులు నటించారు. సినిమా సెప్టెంబర్ 1న విడుదల అవుతోంది. దీంతో సినిమాపై అంచనాలు భారీగానే ఉన్నాయి.
విప్లవ్ (విజయ్ దేవరకొండ), ఆరాధ్య (సమంత) ప్రేమించుకున్నారు. వీరి ప్రేమను ఇరు కుటుంబాలు ఒప్పుకోకపోవడంతో బయటకు వెళ్లి పెళ్లి చేసుకుంటారు. తరువాత వీరిద్దరి కుటుంబాల మధ్య భావోద్వేగాల నేపథ్యంలో సాగే కథ అని చెబుతున్నారు. ప్రేమ, రొమాన్స్, ఎమోషన్స్ ప్రధానంగా ఉంటాయి. దీంతో సినిమాపై ప్రేక్షకుల్లో అంచనాలు పెరుగుతున్నాయి.
దేశముదురు, అంటే సుందరానికి, గీత గోవిందం సినిమాలను కలిపి తీసినట్లుగా ఉందని కామెంట్లు వస్తున్నాయి. మూడు సినిమాల షేడ్స్ కనిపిస్తున్నాయని అంటున్నారు. కాశ్మీర్ వెళ్లిన ఓ యువకుడికి ముస్లిం అమ్మాయి కనిపించడంతో ఆమెను ప్రేమించడానికి వెంటపడతాడు. చివరకు ఏం జరిగిందన్నదే షాకింగ్ అని తెలుస్తోంది. దీంతో సినిమా పాత సినిమాల కలగూర గంప అని ప్రచారం జరుగుతోంది.
ఖుషి సినిమా కథపై ఇలాంటి విషయాలు బయటకు రావడంతో సినిమా విజయం ఎలా ఉంటుందోననే సందేహాలు వస్తున్నాయి. దీంతో ఖుషి సినిమా విజయ్ దేవరకొండ, సమంతకు బ్లాక్ బస్టర్ మూవీ అవుతుందా? లేక డిజాస్టర్ గా మారుతుందా? అనేది తేలాల్సి ఉంది. రెగ్యులర్ గా వచ్చే కథతోనే కాకుండా పాత కథలను కలుపుకుని సినిమా తీయడం చర్చనీయాంశంగా మారింది.
