Samantha : సమంత తెలుగు సినీ ఇండస్ట్రీలో ఈ పేరు తెలియని వారుండరు. సమంత అంటే అంత అభిమానం పెంచుకున్నారు. తెలుగులో ఏం మాయ చేశావేతో తెరంగ్రేటం చేసిన సమంత తిరిగి వెనక్కి చూసుకోలేదు. సమంత ఎన్టీఆర్, నాగచైతన్య, రాం చరణ్, అల్లు అర్జున్ లాంటి అగ్ర హిరోల సరసన నటించి గొప్ప పేరు సంపాదించుకుంది.
ఒకానొక సమయంలో ఆమె తీసిన సినిమాలు వరుస హిట్లు అందుకున్నాయి. ఏకంగా ఆరు సినిమాలు డబుల్ హ్యట్రిక్ విజయాలు సాధించి గోల్డెన్ లెగ్ సమంత అని పేరు తెచ్చుకుంది. అయితే ఆమె పర్సనల్ లైఫ్ లో నాగ చైతన్యతో పెళ్లి, నాలుగేళ్ల తర్వాత విడాకులు తీసుకోవడంతో మానసికంగా కుంగిపోయింది. దీంతో ఆమెకు మయసైటిస్ అనే అరుదైన వ్యాధి వచ్చింది.
దీనికి చికిత్స తీసుకుంటుంది. అందుకే ఈ మధ్య సినిమాల్లో గ్యాప్ ఇచ్చింది. చికిత్స కోసం విదేశాలకు వెళుతూ సాంత్వన పొందుతుంది. ఇలా సినిమాలకు దూరంగా ఉంటున్న సామ్స్ సోషల్ మీడియాలో మాత్రం చాలా ఫొటోలు పోస్టు చేస్తూనే ఉంటుంది. రోజూ తను ఏం చేస్తుందో అభిమానులకు చెబుతుంది. నో ఫిల్డర్ డే సందర్భంగా ఆమె దిగిన ఫొటోకు ఎలాంటి ఫిల్టర్స్ పెట్టకుండా న్యాచురల్ లుక్ ఉన్న ఫోటోలను సోషల్ మీడియాలో షేర్ చేసింది. దీంతో ఫ్యాన్స్ తెగ ఖుషీ అయిపోతున్నారు.
సమంత ప్రస్తుతం సిటాడెల్ వెబ్ సిరీస్ లో నటిస్తుంది. ఈ సిరీస్ త్వరలోనే ప్రేక్షకుల ముందుకు రానుంది. సమంత తెలుగులో తీసిన చివరి చిత్రం ఖుషీ. ఆ సినిమా కొంత వరకు బాగానే ఆడినా.. అనుకున్నంత విజయం సాధించలేకపోయింది.
