RR VS SRH : రాజస్థాన్ రాయల్స్, సన్ రైజర్స్ మధ్య ఉప్పల్ వేదికగా గురువారం సాయంత్రం కీలక పోరు జరగనుంది. రాజస్థాన్ ఈ మ్యాచ్ గెలిచి ప్లే ఆప్ బెర్త్ కన్ ఫాం చేసుకునేందుకు సిద్ధం కాగా.. సన్ రైజర్స్ మళ్లీ విజయాల బాట పట్టాలని చూస్తోంది. రాజస్థాన్ రాయల్స్ ఇప్పటికే 9 మ్యాచ్ లు ఆడి 8 మ్యాచుల్లో విజయం సాధించి 16 పాయింట్లతో టాప్ ప్లేస్ లో కొనసాగుతుంది.
సన్ రైజర్స్ 9 మ్యాచుల్లో అయిదు విజయాలతో 10 పది పాయింట్లతో అయిదో స్థానంలో ఉంది. రాజస్థాన్ బ్యాటింగ్ లో యశస్వి జైశ్వాల్, బట్లర్ ఇద్దరు సెంచరీలతో ఫామ్ లోకి రాగా.. సంజు శాంసన్ ఈ సీజన్ లో నిలకడగా ఆడుతున్నారు. సంజు శాంసన్ ఇండియా టీం 20 జట్టుకు సెలక్ట్ కావడంతో టీం యాజమాన్యం కూడా సంతోషంలో మునిగిపోయింది.
సన్ రైజర్స్ బ్యాటింగ్ ఆర్డర్ బాగున్నా.. అది మొదటి ఇన్సింగ్స్ లోనే చెలరేగి ఆడుతున్నారు. ఛేజింగ్ లో చేతులెత్తేస్తున్నారు. హెడ్, క్లాసెన్ తిరిగి ఫామ్ అందుకోవాలని టీం యాజమాన్యం, సన్ రైజర్స్ అభిమానులు కోరుకుంటున్నారు. అభిషేక్ శర్మ ఆడుతున్నా పెద్ద ఇన్సింగ్స్ లుగా మలచలేకపోతున్నాడు. తొందరపడి వికెట్ సమర్పించుకుంటున్నాడు. బౌలింగ్ లో భువనేశ్వర్ కుమార్ పెద్దగా రాణించలేకపోతున్నాడు.
నటరాజన్ బాగానే బౌలింగ్ వేస్తున్నా.. మిగతా బౌలర్లు అతడికి సహకరించలేకపోతున్నారు. ఈ సీజన్ లో ఇప్పటి వరకు సన్ రైజర్స్ 9 మ్యాచ్ ల్లో మూడు సార్లు 250 పరుగులు పైగా చేసి ప్రత్యర్థి బౌలర్ల బౌలింగ్ ను ఊచకోత కోసింది. కానీ గత రెండు మ్యాచుల్లో తక్కువ స్కోర్లను ఛేజ్ చేయలేక చతికిల పడిపోయారు. ఈ ఐపీఎల్ సీజన్ లోనే అత్యంత ఫామ్ లో ఉన్న జట్టుతో సన్ రైజర్స్ ఆడనుండటం నెగిటివ్ అయితే.. ఉప్పల్ లో మ్యాచ్ జరగనుండటం ఫ్లస్. ఈ మ్యాచ్ గెలిస్తేనే సన్ రైజర్స్ కు ప్లే ఆప్ అవకాశాలు మెరుగుపడతాయి. లేకపోతే చాన్సెస్ సంక్లిష్టం అవుతాయి.
