Tantex Ugadi Celebrations : 2024, క్రోధినామ ఉగాది వేడుకలు ఫ్రిస్కో హై స్కూల్ లో ఉత్తర టెక్సాస్ తెలుగు సంఘం(టాంటెక్స్) ఆధ్వర్యంలో ఘనంగా కొనసాగాయి. వేడుకల్లో ప్రవాస తెలుగు వారు భారీగా పాల్గొన్నారు. తన్మయీ రాయపాటి బృందం అమెరికా జాతీయ గీతాలాపన ప్రారంభమైంది. టాంటెక్స్ అధ్యక్షుడు సతీశ్ బండారు తెలుగు వారికి ఉగాది శుభాకాంక్షలు తెలిపారు. వరదరాజన్ పంచాంగ శ్రవణం చేశారు.
కల్చరల్ కమిటీ చైర్ పర్సన్ దీపికా రెడ్డి స్వాగతోపన్యాసం చేశారు. ఫ్రిస్కో నగర కౌన్సిల్ సభ్యులు జాన్ కీటింగ్, ఏంజెలియ పెల్ హ్యాం, ఫ్రిస్కో ఐఎస్‌డీ బోర్డు ఆఫ్ ట్రస్టీ గోపాల్ పోణంగి చీఫ్ గెస్ట్ లుగా హాజరయ్యారు.
దయాకర్ మాడా హాస్యవల్లరి స్కిట్ తో పాటు చిన్నారులు, మహిళలు ప్రదర్శించిన ‘మూషిక వాహన’ క్లాసికల్ డాన్స్, పల్లెల్లో ఉగాది రూపకం, శివభక్తిని ప్రతిభింబించే నృత్యాలు, అన్నమాచార్య కీర్తన ‘చక్కని తల్లికి’ క్లాసికల్ డాన్స్, గాయకులు మాళవిక, కారుణ్య గానం, మెహర్ చంటి లైవ్ బ్యాండ్, చంద్రిక యామిజాల రామాయణ బాలరూపకం, రోబో గణేశన్ ప్రదర్శనలు వీక్షకులను అలరించాయి.
టీవీ సీరియల్స్ దర్శకుడు లింగాల సంజీవరెడ్డి, ‘హీల్’ స్వచ్ఛంద సంస్థ నిర్వాహకుడు డాక్టర్ కృష్ణబాబు చుండూరి, కూచిపూడి డ్యాన్సర్ కల్యాణి ఆవుల, ఇంజినీర్ సత్యం కళ్యాణ్ దుర్గ్, కథకుడు-పాటకుడు తనికెళ్ల శంకర్, తేజస్విని కల్చరల్ అసోసియేషన్ వ్యవస్థాపక అధ్యక్షుడు తేజస్వి సుధాకర్ తదితరులను సత్కరించారు. రాజేష్ శొంఠి తెలుగు విందు భోజన ఏర్పాట్లను దగ్గరుండి చూసుకున్నారు.
తూపురాని రవి, మియపురం మైత్రేయి వ్యాఖ్యాతగా వ్యవహరించారు. ఈవెంట్ కోఆర్డినేటర్ దీప్తి సూర్యదేవర, టాంటెక్స్ సంస్థ పూర్వ అధ్యక్షుడు డాక్టర్ ప్రసాద్ తోటకూర, టాంటెక్స్ మాజీ అధ్యక్షుడు డాక్టర్ నరసింహారెడ్డి, సుబ్రహ్మణ్యం జొన్నలగడ్డ, మూర్తి ములుకుట్ల, చిన్నసత్యం వీర్నాపు, డాక్టర్ పుదూరు జగదీశ్వరన్, లెనిన్ వేముల, దయాకర్ మాడా, కిరణ్మయి గుంట, బసాబత్తిన శ్రీనివాసులు, చంద్రశేఖర రెడ్డి పొట్టిపాటి, యర్రం శరత్ రెడ్డి, మాధవి లోకిరెడ్డి, ఉదయ్ కిరణ్ నిడిగంటి, ప్రవీణ్ బాలిరెడ్డి, సునీల్ సురపురాజు, లక్ష్మి నరసింహ పోపూరి, నాట్స్ బోర్డు ఆఫ్ డైరెక్టర్ రాజేంద్రమాదాల, నాట్స్ అధ్యక్షుడు బాపు నూతి, సిలికానాంధ్ర వ్యవస్థాపకులు ఆనంద్ కూచిభొట్ల, ప్రసాద్ జోస్యుల పాల్గొన్నారు. 2024 బోర్డు ఆఫ్ ట్రస్టీస్ చైర్మన్ సురేష్ మండువ, ఉపాధ్యక్షుడు హరి సింగం అతిథులకు ధన్యవాదాలు తెలిపారు.
