Girl Was Raped :
రక్షించాల్సిన వాడే భక్షించాడు. సాయంగా ఉండాల్సిన వాడే ఆమెను పాడు చేశాడు. తన కూతురు ఆలనపాలన చూడాలని ఓ బాలికను తీసుకొచ్చి సపర్యలు చేయించుకున్నాడు. అతడికి పుట్టిన దుర్భుద్ధితో ఆమెపై కన్నేశాడు. లైంగిక వాంఛలు తీర్చుకున్నాడు. దాదాపు ఆరు నెలలు ఆమెపై అత్యాచారం చేశాడు. మూడు నెలల క్రితం గర్భం దాల్చగా అబార్షన్ చేయించాడు. ఎవరికైనా చెబితే చంపేస్తానని బెదిరించాడు. దీంతో ఆమె నరకయాతన అనుభవించింది.
అనంతపురం జిల్లా గుత్తికి చెందిన ఓ ఎక్సైజ్ కానిస్టేబుల్ అతని భార్య ఇద్దరు ఉద్యోగాలు చేస్తుండటంతో వారికి పుట్టిన కూతురును చూసుకోవడానికి ఓ బాలికను పనిలో పెట్టుకున్నాడు. తన కూతురును చూసుకుంటున్న బాలికపై కన్నేశాడు. ఆమెను లొంగదీసుకుని ఆరునెలలుగా అత్యాచారం చేస్తున్నాడు. మూడు నెలల క్రితం గర్భం దాల్చితే అబార్షన్ చేయించాడు. ఎవరికైనా చెబితే చంపేస్తానని బెదిరించాడు. దీంతో ఆమె మౌనంగా ఉండిపోయింది.
లైంగిక వాంఛలు తీర్చుకోవడమే కాకుండా చిత్రహింసలకు గురి చేసేవాడు. వైరుతో గొంతుకు బిగించి నానా కష్టాలు పెట్టేవాడు. వేధింపులు తాళలేక బాలిక ఆమె తల్లిదండ్రులకు విషయం చెప్పింది. దీంతో వారు పోలీస్ స్టేషన్ లో ఫిర్యాదు చేశారు. ఈ మేరకు డీఎస్పీ ఫోక్సో చట్టం కింద సదరు కానిస్టేబుల్ పై కేసు నమోదు చేశారు. రెండో పట్టణ పోలీసులు అతడిని అరెస్టు చేసి రిమాండ్ కు పంపించారు.
ఆడపిల్లలపై దారుణాలు జరుగుతూనే ఉన్నాయి. నేరాల్లో దక్షిణ భారతదేశంలోనే ఏపీ మొదటి స్థానంలో నిలుస్తోంది. ఇలా పిల్లల జీవితాలతో ఆడుకునే దుర్మార్గులకు ఉరిశిక్ష విధించాలని మహిళా సంఘాలు డిమాండ్ చేస్తున్నాయి. కూతురు వయసున్న ఆడపిల్లపై అఘాయిత్యం చేయడానికి మనసెలా వచ్చిందని అందరు తిట్టిపోస్తున్నారు.
