Bernard Hill : టైటానిక్, లార్డ్ ఆఫ్ ది రింగ్స్ సినిమాలతో ప్రపంచవ్యాప్తంగా గుర్తింపు పొందిన బ్రిటన్ నటుడు బెర్నార్డ్ హిల్ మృతి చెందారు. ఆదివారం తెల్లవారు జామున హిల్ మృతి చెందినట్లు ఆయన ఏజెంట్ ఓ ప్రకటనలో తెలిపారు. ఆస్కార్ అవార్డు గెలుచుకున్న టైటానిక్ సినిమాలో బెర్నార్డ్ నౌక కెప్టెన్ గా నటించారు. ఇక లార్డ్ ఆఫ్ ది రింగ్స్ సినిమాలో రోహన్ రాజు థియోడెన్ గా ఆయన ప్రపంచవ్యాప్తంగా గుర్తింపు పొందారు. లార్డ్ ఆఫ్ ది రింగ్స్కు పీటర్ జాక్సన్ దర్శకత్వం వహించారు.
హిల్ కెరీర్ ప్రారంభించిన తొలి నాళ్లలో బీబీసీలో ప్రసారమైన బాయ్స్ ఫ్రం బ్లాక్స్ స్టఫ్ ఆయనకు గొప్ప గుర్తింపుతో పాటు అనేక అవార్డులు తెచ్చిపెట్టింది. నాటి తరానికి చెందిన క్లాసికల్ మూవీగా నిలిచింది. తాజాగా ఆయన మోర్గన్ ఫ్రీమెన్ తో కలిసి బీబీసీలో మరో టెలివిజన్ సిరీస్ లో నటించారు. స్థానిక కాలమానం ప్రకారం తొలి ఎపిసోడ్ ఆదివారం ప్రసారమైంది.
