Shadow : మన ‘నీడ’ మన వెన్నంటే ఉంటుంది. కాని నేడు 12.12 గంటల నుంచి రెండు, మూడు నిమిషాలు ‘నీడ’ మాయం కానుంది. ఆ సమయంలో నిట్టనిలువునా సూర్య కిరణాలు పడడం వల్ల ఇలా జరుగుతుంది. దీనిని జీరో షాడో డేగా పిలుస్తారని శాస్త్రవేత్తలు తెలిపారు. హైదరాబాద్ లో ఈ జీరో షాడో గురువారం మధ్యాహ్నం 12.12 గంటలకు ప్రారంభమై రెండు, మూడు నిమిషాల వరకు కొనసాగుతుందని హైదరాబాద్ బీఎం బిర్లా ప్లానిటోరియం ప్రతినిధులు తెలిపారు.
ఈ జీరో షాడోను రెండు, మూడు రోజుల పాటు మధ్యాహ్నం 12 గంటలకు చూడవచ్చని అన్నారు. సూర్యకాంతిలో ప్రతి వస్తువుకు నీడ ఉంటుంది. కానీ అదే సూర్యకాంతిలో నీడ ఉండదనే అద్భుతం వెనక అనేక కారణాలు ఉన్నాయని బిర్లా ప్లానిటోరియం ప్రతినిధులు వివరించారు.
