అగ్రరాజ్యం అమెరికాలో కూడా కరోనా కేసులు పెద్ద సంఖ్యలో నమోదు అవుతున్నాయి. కరోనా కేసులు పెద్ద సంఖ్యలో నమోదు అవ్వడమే కాదు కరోనా తో చనిపోతున్న వాళ్ళ సంఖ్య కూడా పెద్ద స్థాయిలోనే ఉంది. తాజాగా అమెరికా వైస్ ప్రెసిడెంట్ కమలా హారిస్ కూడా కరోనా బారిన పడింది. ఇటీవల పలు కార్యక్రమాల్లో పాల్గొంది కమలా హారిస్.
అయితే తనకు కరోనా లక్షణాలు ఉన్నాయనే అనుమానంతో కోవిడ్ -19 టెస్ట్ చేయించుకోగా కరోనా పాజిటివ్ అని తేలింది. దాంతో తనని ఇటీవల కలిసిన వాళ్ళు కరోనా టెస్ట్ చేయించుకోవాల్సిందిగా కోరింది కమలా హారిస్. అమెరికా ఉపాధ్యక్షురాలిగా కొనసాగుతున్న కమలా హారిస్ భారత సంతతికి చెందిన మహిళ అనే విషయం తెలిసిందే.