ఎన్నికల వేడి రాజుకుంది. అమెరికాలో స్థిరపడిన తెలుగువాళ్ళు అలాగే అమెరికాలో ఉద్యోగ ఉపాధి కోసం వెళ్లిన వాళ్ళు అందరూ కలిసి ఏర్పాటు చేసుకున్న సంస్థ ” ఉత్తర అమెరికా తెలుగు సంఘం ”( NATS ). ఈ సంస్థకు ప్రతీ రెండేళ్లకు ఒకసారి ఎన్నికలు నిర్వహిస్తారు. పూర్తిగా కొత్త కార్యవర్గాన్ని ఎన్నుకుంటారు. ఉత్తర అమెరికా తెలుగు సంఘం కు విశేష పేరు ప్రఖ్యాతులు ఉండటంతో పలు పదవులకు తీవ్ర పోటీ ఉంటుంది.
ఇక ఈసారి కూడా పోటీ తీవ్రంగా ఉంది. అధ్యక్షుడు ,ఉపాధ్యక్షుడు , ప్రధాన కార్యదర్శి , కోశాధికారి , సహాయ కార్యదర్శులు , జోనల్ కోఆర్డినేటర్లు తదితర పదవులకు పోటీ జరుగనుంది. ఇక ఎన్నికల నోటిఫికేషన్ విడుదల కావడంతో పలువురు పోటీలో దిగడానికి సమాయత్తం అవుతున్నారు.