OTT ఈ మధ్య కాలంలో ఓటిటి ప్లాట్ ఫామ్ లు సినిమా ఇండస్ట్రీ మీద చాలా ప్రభావాన్ని చూపిస్తున్నాయి. ఓటిటిలు అందుబాటులోకి వచ్చిన తర్వాత ప్రేక్షకులు థియేటర్ కు వెళ్లి సినిమా చూసేందుకు ఆసక్తి తగ్గించేస్తున్నారు. వారి అభిమాన హీరో సినిమా మినహా వేరే సినిమాలపై పెద్దగా ద్రుష్టి పెట్టడం లేదు..
ఓటిటిలు కూడా సినిమాలు వచ్చిన మూడు నాలుగు వారాల నుండే స్ట్రీమింగ్ చేయడంతో ఇక్కడే చూసేందుకు ఇష్ట పడుతున్నారు.. మరి ప్రతీ వారం ఓటిటిలో సినిమాలు రిలీజ్ అవుతాయి.. ఈ వారం కూడా క్రేజీ సినిమాలు రిలీజ్ కాబోతున్నాయి. మరి ఆ సినిమాలేంటో ఇప్పుడు చూద్దాం..
బ్రో : పవన్ కళ్యాణ్ ఆయన మేనల్లుడు సాయి ధరమ్ తేజ్ కలిసి ప్రధాన పాత్రల్లో నటించిన ‘బ్రో ది అవతార్’ జులై 28న ప్రపంచ వ్యాప్తంగా గ్రాండ్ గా రిలీజ్ అయ్యింది.. కానీ ఆశించిన స్థాయిలో కలెక్షన్స్ రాబట్టలేక పోయింది. ఇక ఈ సినిమాను రేపటి నుండి ఓటిటిలో స్ట్రీమింగ్ చేయనున్నారు. అన్ని భాషల్లో ఈ సినిమా స్ట్రీమింగ్ కానుంది. నెట్ ఫ్లిక్స్ వేదికగా ఇది రిలీజ్ కానుంది..
బేబీ : ఈ మధ్య కాలంలో సంచలనం క్రియేట్ చేసిన సినిమా ఏది అంటే అది బేబీ సినిమా అని ఎవ్వరైనా చెబుతారు.. జులై 14న గ్రాండ్ గా ఈ సినిమా రిలీజ్ అవ్వగా ఫస్ట్ షోతోనే మంచి హిట్ టాక్ తెచ్చుకుంది. సాయి రాజేష్ డైరెక్ట్ చేసిన ఈ సినిమాలో ఆనంద్ దేవరకొండ, వైష్ణవి చైతన్య, విరాజ్ అశ్విన్ కీ రోల్స్ పోషించారు. ఇక ఈ సినిమా కూడా ఆగస్టు 25 నుండి ఓటిటిలో సందడి చేయనుంది. ఆహా ఓటిటిలో ఇది స్ట్రీమింగ్ కానుంది.
స్లమ్ డాగ్ హస్బెండ్ : బ్రహ్మాజీ కొడుకు సంజయ్ రావు హీరోగా ప్రణవి మానుకొండ హీరోయిన్ గా నటించిన ఈ సినిమా బాగానే ఆకట్టుకుంది. ఇక ఇప్పుడు ఓటిటిలో రిలీజ్ కానుంది. ప్రముఖ ఓటిటి అమెజాన్ ప్రైమ్ లో రిలీజ్ కానుంది. ఇవే కాకుండ ఇంకా చిన్న చిన్న సినిమాలు, వెబ్ సిరీస్ లు చాలానే రేపు స్ట్రీమింగ్ కానున్నాయి..
