CID Chief Sanjay : ఇప్పుడు చంద్రబాబును విచారించి అరెస్ట్ చేసింది.. నాడు కాల్పుల కేసులో బాలకృష్ణను అరెస్ట్ చేసింది యాదృశ్చికంగా ఒక్కరే అధికార కావడం గమనార్హం. 2004లో దివంగత వై.ఎస్. రాజశేఖరరెడ్డి ముఖ్యమంత్రిగా ఉండగా, ఇప్పుడు ప్రతిపక్షనేత ఎన్. చంద్రబాబు నాయుడు బావమరిది హీరో బాలకృష్ణను ఇదే అధికారి అరెస్టు చేశారు. వైఎస్ఆర్ కుమారుడు వై.ఎస్. జగన్ మోహన్ రెడ్డి సీఎంగా ఉండగా.. ఆయన ప్రభుత్వంలో సీఐడీ చీఫ్ గా ఉన్న సంజయ్ ఇప్పుడు చంద్రబాబును అరెస్ట్ చేయడం విశేషం. .
బామ్మర్ధి బాలకృష్ణను, బావ చంద్రబాబును ఒక్కరే ఆఫీసర్ అరెస్ట్ చేయడం విశేషం. ఆంధ్రప్రదేశ్ క్రైమ్ ఇన్వెస్టిగేషన్ డిపార్ట్‌మెంట్ (APCID)కి అడిషనల్ డైరెక్టర్ జనరల్ ఆఫ్ పోలీస్‌గా సారథ్యం వహిస్తున్న 1996 బ్యాచ్ IPS అధికారి సంజయ్, మాజీ ముఖ్యమంత్రి మరియు తెలుగుదేశం పార్టీ జాతీయ అధ్యక్షుడిని శనివారం అరెస్టు చేయడం సంచలనంగా మారింది. ఆంధ్రప్రదేశ్ స్కిల్ డెవలప్‌మెంట్ కార్పొరేషన్‌లో ₹371 కోట్ల దుర్వినియోగంలో అతని పాత్ర ఉందని ఆరోపిస్తూ విచారించి సంజయ్ అరెస్ట్ చేశారు.
ఇదే సంజయ్ గతంలో హైదరాబాద్ డిప్యూటీ కమీషనర్ ఆఫ్ పోలీస్ (వెస్ట్ జోన్)గా ఉన్నప్పుడు నాటి హీరో హిందూపురం ప్రస్తుత టీడీపీ ఎమ్మెల్యే బాలకృష్ణను ఓ నిర్మాతపై కాల్పులు జరిపిన కేసులో అరెస్టు చేసి కీలక ఆధారాలు సేకరించడంలో కీలక అధికారిగా ఉన్నారు. చంద్రబాబు నాయుడు అప్పుడు ప్రతిపక్ష నాయకుడుగా ఉన్నారు. ఆ కేసులో బాలయ్య బయటపడ్డారు. ఇద్దరినీ అరెస్ట్ చేసింది వైఎస్ఆర్ కుటుంబానికి అత్యంత ఆప్తుడైన అధికారి సంజయ్ కావడం గమనార్హం. .
